निता राउत फाउण्डेशनले बाजुराको एक बिधालय को विद्यार्थीहरुलाई न्यानो कपडा वितरण गरेको छ । फाउण्डेशनले बाजुराको गौमुल गाउँपालिका १ मा रहेको श्री प्रभात आधारभुत विद्यालयका ५० जना विद्यार्थीहरुलाई न्यानो कपडा वितरण गरेको हो ।
निता राउत फाउण्डेशनले बाजुराको विकट गौमुल गाउपालिकाको वडा नं १ मा रहेको श्री प्रभात आधारभुत विद्यालयको ५० जना विद्यार्थीहरुको लागि न्यानो पोशाक ९ज्याकेट , टोपि र मोजा० वितरण गरिएको छ ।
न्यानो कपडा बितरण गर्दै गौमुल गाउँपालिका अध्यक्ष रोकायाले सहयोगका लागी निता राउत फाउण्डेशन र निता राउतलाई विशेष धन्यवाद ज्ञापन गरेका थिए ।
२०७४ मा ‘निता राउत फाउण्डेशन’ नामक संस्था विधिवत रुपमा जिल्ला प्रशासन कार्यालय दोलखामा संस्था दर्ता गरि त्यही संस्था मार्फत देशभरि विभिन्न सामाजिक कार्य गर्दै आईरहेको छ्।
सहयोगको लागि आवश्यक पर्ने रकमको लागि निता ले आफ्नो जागिरबाट आउने तलबको २० प्रतिशत छ्ट्याउने गरेकी छिन्। ‘मसँग ठुलो फन्ड छैन मेरो आफ्नो तलबबाट २० प्रतिशत फाउन्डेशनको लागि छुट्याउने गरेको छु र कुनै ठुलो सहयोग जुट्याउनु प¥यो भने विभिन्न संघसंस्थासँग सहकार्य गरेर सहयोग गर्ने गरेको छु । यही संकलनबाट नै मैले आफ्नो कामहरू अगाडि बढाइरहेको छु’ उनले भनिन्।
निता राउत फाउन्डेशनले विशेष गरि दुर्गम जिल्लामा रहेको आर्थिक अवस्था कमजोर सरकारी विद्यालयमा अध्ययनरत विद्यार्थीको लागि स्कुल व्याग, पोशाक र स्टेशनरी सामानहरू वितरण गर्दै आइरहेको छ ।