जिल्ला सहकारी संघ दोलखाको १७ औ वार्षिक साधारण सभा विभिन्न कार्यक्रमसहित सम्पन्न भएको छ । सभामा १९ करोड १७ लाख २९ हजार ४सय रुपैयाँ बराबरको आर्थिक प्रतिवेदन प्रस्तुत भएको थियो ।
जिल्ला सहकारी संघका अध्यक्ष हेमन्त चौलागाईँको अध्यक्षतामा सम्पन्न सभाको अवसरमा उत्कृष्ट कारोबार गर्ने सहकारी संस्थाको रुपमा हाम्रो गर्ने जनकल्याण बचत तथा ऋण सहकारी संस्था,उत्कृष्ट सहकारी संस्थाको रुपमा सूर्योदय सहकारी बचत ऋण सहकारी संस्था, उत्कृष्ट शेयर खरिदकर्ता मिलिजुली कालिञ्चोक बचत तथा ऋण सहकारी संस्था, र गौरीशंकर सहकारी बहुद्देश्यीय सहकारी संस्थालाई सम्मान गरिएको छ ।
उत्कृष्ट व्यवस्थापकको रुपमा जनसचेतन बचत तथा ऋण सहकारी संस्थाका प्रमुख कार्यकारी अधिकृत नवराज दाहाल, उत्कृष्ट कर्मचारीहरु जनहित बहुद्देश्यीय सहकारी संस्थाका सिर्जना न्यौपाने, अर्थभुमी बचत तथा ऋण सहकारी संस्थाका सुवास श्रेष्ठ, दीक्षण दैनिकका सम्पादक सिर्जनकुमार घिमिरे, जिल्ला सहकारी संघको पूर्व सञ्चालक समितिका पार्वती श्रेष्ठलाई सम्मान गरिएको छ भने सहकारी अभियन्ता पुरस्कार त्रिपुरा महिला बचत तथा ऋण सहकारी संस्थाका सोममाया श्रेष्ठलाई प्रदान गरिएको छ ।
त्यसैगरी साधारण सभाको अवसरमा कालिढुङ्गा कुषि सहकारी संस्थालाई प्रविधिका सामग्रीहरू कम्प्युटर र प्रिन्टर प्रदान गरिएको जिल्ला सहकारी संघ दोलखाले जनाएको छ । सभामा प्रतिनिधि सभाका सदस्य गंगा कार्की,मेलुङ गाउँपालिकाका अध्यक्ष हिराकुमार तमाङ, बागमती प्रदेश सहकारी संघका महासचिव भिमप्रसाद दाहाल,केन्द्रीय बचत तथा ऋण सहकारी संघका सञ्चालक जिवसराज खड्का,प्रमुख जिल्ला अधिकारी भोजराज खतिवडा जिल्ला सरकारी संघ दोलखाका पूर्व अध्यक्ष शिवजी राउत,संघका उपाध्यक्ष देवीप्रसाद शर्मा लगायतले मन्तव्य व्यक्त गर्नु भएको थियो ।