दोलखाका जेष्ठ नागरिकले शीतल निवासमै पुगेर राष्ट्रपति विद्यादेवी भण्डारीलाई भेट गरेका छन् । राष्ट्र प्रमुखलाई भेट गर्न पाएपछि भीमेश्वर नगरपालिका ५ निवासी ९३ वर्षीया विष्णुमाया खड्काले खुसीको सीमा नरहेको बताउनु भयो । जेष्ठ नागरिक खड्काले खुसी व्यक्त गर्दै भन्नुभयो,“यसरी राष्ट्रपतिसंग भेट गरौँला भन्ने लागेको थिएन् । राष्ट्र प्रमुखलाई भेट्ने अवसर जो कोहीलाई मिल्ला त ? अहँ मिल्दैन नि ! आपनो वडाको वडाध्यक्षले यो अवसर जुराइदिनुभयो । वडाध्यक्ष जेष्ठ नागरिकको असल छोरा बनेर आमाबुबाको सपना पुरा गरिदिनुभयो । हाम्रो आर्शीरवाद मिलोस् ।यस्तै कार्यक्रममा सहभागी जेष्ठजन मानकुमारी कार्कीलाई भाग्यले जुराएको भन्ने लागेको छ । तीर्थस्तल भ्रमणसंगै राष्ट्रको ठूलो मान्छेलाई उहाँकै निवासमा पुगेर भेट्ने मौका पाउँनु सानो कुरा होइन् । जीवनका सबै रहर पुरा भएको छ, कार्कीले खुसी व्यक्त गर्नुभयो ।
अर्की ८० माथिकी जेष्ठ नागरिक अमरमाया घिमिरेलाई भ्रमण र महत्वपूर्ण मानिससंगको भेटले अझै बाँच्ने रहर जागेको छ । उत्साह र साहस थपिएको छ ।

भ्रमणका अवसरमा राष्ट्र प्रमुख विद्यादेवी भण्डारीलाई शीतल निवास पुगेर जेष्ठ नागरिकले भेट गरेका हुन् । दोलखाका जेष्ठ नागरिकले राष्ट्रपटि भण्डारीलाई भीमेश्वर नगरपालिका ५ मा रहेको प्रशिद्ध धार्मिक स्थल महाङ्काल भगवतीको प्रसाद प्रदान गरेका थिए ।
राष्ट्रपति भवनको प्रवास कक्षमा जेष्ठ नागरिगसँग भेटघाट कार्यक्रमको आयोजना गरिएको थियो । भेटको क्रममा राष्ट्रपति भण्डारीले गाउँबस्तिका बुबा आमाहरुलाई भेट्ने इच्छा हुँदा हुँदै पनि पदीय दायित्वका कारण सहज नभएको बताउनु भयो । शीतल निवासमा ८० वर्ष पार परि सक्नु भएका आमा बुवालाई भेट्न र शितल निवासमा स्वागत गर्न पाउँदा खुसी व्यक्त गर्नुभयो । कार्यक्रममा उहाँले भन्नुभयो,“जेष्ठ नागरीक देशका गहाना हुन्, देशका गहनाको सम्मानको लागि सरकार गम्भीर छ ।”
साथै राष्ट्रपति भण्डारीमार्फत राष्ट्रपतिको कार्यालय मार्फत महाङ्काल मन्दिरलाई भेटीसमेत पठाउनु भएको छ ।
दोलखाको भीमेश्वर नगरपालिका वडा नम्वर ५ का जेष्ठ नागरिकले राष्ट्रपति विद्यादेवी भण्डारी र एमाले अध्यक्ष केपी शर्मा ओलीलाई भेटेका छन् । वडा अध्यक्ष बासु श्रेष्ठले आफुले पाउने पारिश्रमिक रकम मार्फत वडाका ८० वर्ष माथिका जेष्ठ नागरिकको सम्मानको लागि तीने दिने भम्रणको आयोजना गर्नु भएको हो ।

जेष्ठ नागरिकलाई राष्ट्रपति विद्यादेवी भण्डारी र पूर्व प्रधानमन्त्री केपि शर्मा ओलीसंगको भेटका साथै काठमाण्डौको प्रसिद्ध तीर्थ स्थलको भ्रमण गराइएको थियो
वडा अध्यक्ष वासु श्रेष्ठले ८० वर्ष माथिका जेष्ठ नागरिकलाई काठमाडौंमा भ्रमणसँगै महत्वपूर्ण व्यक्त र कार्यक्रममा भेट गराउन पाउँदा यात्रा सफल भएको बताउनु भयो ।
जेष्ठ नागरिकहरु इन्दे्रणी कार्यक्रममा सहभागी भएर रमाइलो गरेका थिए । यो संगै पशुपतिनाथको समेत जेष्ठ नागरिकलाई दर्शन गराइएको थियो ।
भीमेश्वर नगरपालिका ५ का वडाध्यक्ष बासु श्रेष्ठले आफूले पाएको तलब भत्ताबाट जेष्ठ नागरिकलाई भ्रमण गराउनु भएको हो ।

मासिक रुपमा प्राप्त हुने तलव भत्ताको कोष जम्मा गरेर वडाका ८० वर्षमाथिका जेष्ठ नागरिकलाई भ्रमण गराउनु भएको थियो । उहाँले विद्यालयका बालबालिकालाई शैक्षिक सामग्री सहयोग,पोसाक वितरण लगायतका कार्य निजी लगानीमा गर्दै आउनु भएको छ । वडाध्यक्ष श्रेष्ठले निर्वाचन अगाडि सरकारी सुविधा सामाजिक क्षेत्रमा लगानी गर्ने घोषणा समेत गर्नुभएको थियो ।