दोलखाको सदरमुकाम चरिकोटमा शनिबार लाग्ने हाटबजार व्यवस्थित गरिएको छ ।   जिल्ला सदरमुकाममा हरेक शनिबार लाग्ने पुरानो हाटबजार आजबाट हिमचुली टोलमार्गमा राखिएको हो ।
यसअघि विभिन्न मिडियामा समाचार प्रशारण भएपछि भिमेश्वर नगरपालिकाले चरिकोट चोकमा लाग्दै आएको हाटलाई सहायक बजारमा राख्न सुरु गरेको हो ।
गाउँ गाउँबाट स्थानीयहरूले उत्पादन गरेको हरियो तरकारी, फलफूल, खाद्यान्न बाली लगायतका सामानहरु सडकै ओगटेर बिक्री वितरण हुदै आएको थियो ।
सडकमै लाग्ने हाटबजारमा सामान बिक्री गर्ने र खरिद गर्नेको भिड लाग्ने भएपछि सवारीका साधन आवतजावत गर्न समस्या हुनुका साथै सवारी दुर्घटना समेत हुदै आएको थियो
त्यस्तै हाटमा वास्तविक ग्रामीण भेगबाट आएका कृषकलाई मात्र बिक्री गर्न दिएको थियो भने दैनिक व्यापार गर्ने व्यापारीहरुलाई अन्यत्र सामान राख्न भिमेश्वर नगरपालिकाले निर्देशन दिएको छ ।
वास्तविक किसानले ल्याएका सामानले भाउ पाउनुको साथै उपभोक्ताले पनि सस्तो सामान पाएको नगरपालिकाको भनाई छ ।