७४ वटा वडाको केन्द्रबिन्दु दोलखाको मुटु मानिने दोलखा सदरमुकाम चरिकोटमा एउटा पनि ;fj{hlgs शौचालय छैन ।
९ वटा पालिकाको ७४ वटा वडा आवतजावत गर्ने मुख्य शहरमा हालसम्म पनि शौचालय नहुदा सबैभन्दा बढी मार यात्रुलाई परेको छ ।
शौचालय नहुदा सदरमुकाम चरिकोट आवतजावत गर्ने यात्रुहरु तथा पैदल यात्रु खुल्ला ठाउमा दिशापिसाब गर्न बाध्य छन ।
दोलखालाई खुल्ला दिशामुक्त घोषणा गरेको ३ वर्ष बित्यो तर घोषणा भने कागजमात्र सिमित छ । शौचालय जानै परेर गाहो परे होटल तथा पसलमा आग्रह गरेपनि कसैले पनि शौचालय प्रयोग गर्न नदिने गरेको यात्रुहरुको दुखेसो छ ।
दिशा वा पिसाव आइहाले होटलमा केही खान वा पसलमा केही किन्नुपर्ने बाध्यता सदरमुकाम आएका यात्रुहरुको छ ।
२ वर्षअघि सशुल्क सार्वजनिक शौचालय प्रयोगमा रहेपनि हाल सो स्थानमा भिमेश्वर नगरपालिकाले व्यवसायिक भवन निर्माण गरेको छ ।
व्यवसायिक भवनमा सार्वजनिक शौचालय निर्माण भएकाले छिट्टै सञ्चालनमा ल्याउने तयारी रहेको भिमेश्वर नगरपालिकाका मेयर ईश्वर मानन्धरको दावी छ ।
भिमेश्वर नगरपालिका अन्तगर्त पर्ने सदरमुकाम चरिकोटबाट दोलखाको ७ गाउपालिका र १ नगरपालिकामा यात्रुबाहक बसहरु छुटने गरेका छन ।