दोलखा समाज अस्ट्रेलियाका अध्यक्ष विष्णु थापाको पहलमा कृषि तथा बाली विज्ञान विषय अन्तरगतका विद्यार्थीलाई छात्रवृत्ति रकम वितरण गरिएको छ ।
भीमेश्वर नगरपालिका वडा नम्बर ४ जिलुमा कृषि तथा बाली विज्ञानका तीन वर्षे डिप्लोमा तहमा अध्ययनरत वैतेश्वर गाउपालिका वडा नम्वर १ का पम्फा घिसिङ र वडा नम्बर ८ का सविना जिरेललाई छात्रवृत्ति वितरण गरिएको होे ।
दोलखा समाज अस्ट्रेलियाका अध्यक्ष विष्णुबर थापाको विशेष पहलमा प्राप्त सो छात्रवृत्ति  एक लाख  रुपँयाँको चेक विद्यार्थी र अभिभावकको रोहबरमा विद्यालयका प्रधानाध्यापक विश्वमणि चौलााईँलाई हस्तान्तरण गरिएको हो ।
कृषि क्षेत्रको विकासका लागि कृषि शिक्षामा आकर्षण बृद्धि गर्ने उदेश्यले दोलखा समाज अष्ट्रेलियाले कृषि तथा बाली विज्ञान विषय अन्र्तगत तीन बर्षे डिप्लोमा तहमा अध्यनरत विद्यार्थीलाई सहयोग गरेको दोलखा समाज अस्ट्रेलियाका अध्यक्ष विष्णु बहादुर थापाको भनाइ छ ।
प्रेम पूर्ण प्रताप फाउण्डेशन र उज्यालो भविष्य संस्थाको समन्वयमा छात्रबृत्ति रकम प्रदान गरिएको हो ।
संस्थाको पहलमा भीमेश्वर नगरपालिका वडा नम्बर १ सुष्पाक्षमावती स्थित क्षमावती माविमा कृषि तथा बाली विज्ञान विषय अन्र्तगत तीन बर्षे डिप्लोमा तहमा अध्यनरत सिन्धुपाल्चोक लिशंखुपाखर गाँउपालिकाका निर्मला तमाङ, रौतहट यमुनामाई गाँउपालिकाका प्रेम शाह, रामेछाप उमाकुण्ड गाँउपालिकाका सन्देश सुनुवार, सोलुखुम्बु लिपुलेख गाँउपालिकाका बिपिन वस्नेत, रामेछाप उमाकुण्ड गाँउपालिकाका रिसब कार्की, मिङ्मा लम्बु शेर्पा, दोलखा भीमेश्वर नगरपालिकाका पदम बहादुर अधिकारी र कालिञ्चोक गाँउपालिकाका बिरेन्द्र थामीलाई प्रेम पूर्ण प्रताप फाउण्डेशनका संरक्षक पद्यमा प्रधानको सहयोगमा प्रति व्यक्ति ८५ हजार रुपैयाको दरले छात्रवृत्ति रकम उपलब्ध गराईएको प्रेम पूर्ण प्रताप फाउण्डेशनका अध्यक्ष राजन वस्नेतले बताउनु भयो ।