माघ २७

दोलखाको कालिञ्चोक गाउँपालिका वडा नम्वर ८ का रुखहरु कटान नगर्न उच्च अदालत पाटनले अल्पकालीन अन्तरिम आदेश जारी गरेको छ ।
गाउँपालिका वडा नम्वर ८ ले वडाभित्र रहेका सम्पूर्ण जग्गा धनीहरुले आफ्नो जग्गाभित्र रहेका फलफुल तथा डालेघाँस बाहेक अन्य रुखहरु कटान गर्न लगाउने निर्णय गरेको थियो । वडाको उक्त निर्णय माथि अधिवक्ता नविन कार्की,अधिवक्ता सुजन कार्की,अधिवक्ता आलोक शिवाकोटी र कानुन विषयका विद्यार्थी श्रद्धा सापकोटाले उच्च अदालत पाटनमा रिट दायर गर्नु भएको थियो ।
उक्त रिट उपर वहस पैरवीका क्रममा उच्च अदालत पाटनका न्यायधीश राज्यलक्ष्मी बज्राचार्यको एक इजलासले आज कारण देखाउ आदेश जारी गर्दै कटान रोक्न आदेश दिएको हो । यसैबीच वडा नं ८ र सरोकारवाला पक्षलाई यही फागुन ३ गते छलफलका लागि बोलाइएको छ ।
गाउँपालिका वडा नम्वर ८ को पौष महिनाको ३ गतेको बैठकको निर्णय अनुसार वडा भित्र रहेका सम्पुर्ण जग्गा धनीहरुलले आफ्नो जग्गा धनी पुर्जा भित्र रहेका फलफुल तथा डाले घाँस बाहेक अन्य रुखहरु कटान गर्ने निर्णय गरेको थियो । सूचनामा धनीपूर्जा भित्रका रुखहरु कटानी नगरे वडा कार्यालयबाट दिईने सेवा सुविधाबाट वन्चित गराईने समेत सूचना जारी गरेको थियो । वडाले बाँदर नियन्त्रण गर्न भन्दै यस्तो निर्णय गरेको हो ।

अल्पकालीन आदेशको विस्तृत विवरण यस्तो छ ।

Niwedan patra (Utpression Yukta Parmadesh) 2079-10-23 (2)