फागुन ४

भीमेश्वर नगरपालिका दोलखाले नगरका विभिन्न स्वास्थ्य संस्थामा सम्पन्न स्वास्थ्य शिविरमा १ हजार २ सय ४२ जनाले स्वास्थ्य सेवा लिएका छन् । भीमेश्वर नगरपालिकाले नगरका ७ स्वास्थ्य केन्द्रमा जेष्ठ नागरिक स्वास्थ्य परीक्षण तथा स्त्री रोग शिविरको आयोजना गरेसंगै ६८ वर्षका जेष्ठ नागरिकले सेवा लिएका हुन् ।
हालसम्म नगरपालिका वडा नं १ स्थित सुस्पा क्षमावती स्वास्थ्य चौकीमा १ सय ३६ जना, वडा नं २ डिल ढुङ्गा शहरी स्वास्थ्य केन्द्रमा १ सय ४२ जिलु आधारभूत स्वास्थ्य केन्द्रमा १ सय २९ जनाले स्वास्थ्य सेवा लिएका छन् । यसैगरी माटी स्वास्थ्य चौकी वडा नं ५ मा १ सय २२ जनाले सेवा लिएको भीमेश्वर नगरपालिकाले जनाएको छ । नगरपालिकाको मकैबारी स्वास्थ्य चौकीमा २ सय ७५ जनाले सेवा लिएका छन् । बोच स्वास्थ्य चौकीमा ््््२ सय ३२ जना र वडा नं ९ को खरिढुङ्गा शहरी स्वास्थ्य केन्द्रमा २ सय ६ जनाले सेवा लिएको भीमेश्वर नगरपालिकाले जनाएको छ ।
शिविरमा ६८ वर्षभन्दा माथिका जेष्ठ नागरिकहरुलाई विशेषज्ञ स्वास्थ्य सेवा,आँखा स्वास्थ्य सेवा र दन्त रोग परीक्षण तथा महिलाहरुका लागि स्त्री रोग सम्बन्धी कार्यक्रमको आयोजना गरिएको नगरपालिकाका प्रवक्ता एवं वडा नं ४ का वडाध्यक्ष तारानाथ चौलागाईँले बताउनुभयो ।
नवनिर्वाचित नगरका पदाधिकारीहरुको दोस्रो बैठकले जेष्ठ नागरिक र महिलाका लागि निरन्तर स्वास्थ्य कार्यक्रम सञ्चालन गर्ने निर्णय गरेको थियो । यस्ता कार्यक्रम निरन्तर हुने प्रवक्ता चौलागाईँको भनाइ छ ।