११३ औं अन्तर्राष्ट्रिय महिला दिवसको अवसरमा गौरीशंकर सामुदायिक पुस्तकालय दोलखाले विभिन्न सहयोगका कार्यक्रम  गरेको छ । भीमेश्वर नगरपालिकाका मेयर ईश्वर नारायण मानन्धरको प्रमुख आतिथ्यमा सम्पन्न सहयोग कार्यक्रममा पुस्तकालयका अध्यक्ष कृष्ण बस्नेतले सहयोग हस्तान्तरण गर्नु भएको हो ।

पुस्तकालयले हिँसा प्रभावित महिला तथा बालबालिका सेवा केन्द्र आवाज नेपालमा आश्रित सुत्केरी महिलालाई १० हजार रुपैया बराबरको खाद्यान्न सहयोग गरेको छ भने भीमेश्वर नगरपालिका वडा नं ५ का महिला पञ्चेबाजा समूहलाई बाजा खरिदका लागि दश हजार रुपैया नगद हस्तान्तरण गरेको पुस्तकालयले जनाएको छ ।

महिला दिवसको अवसरमा पुस्तकालयले गौरीशंकर सामुदायिक पुस्तकालय अन्तरगतका महिला समूहका सदस्यहरुलाई स्वास्थ्य सामाग्री वितरण गरेको छ ।
लैङ्गिक समानताको बलियो आधार सिर्जनात्मक प्रविधिमा महिला पहुँचको विस्तार भन्ने मुल नाराको साथ आयोजित ११३ औं अन्तर्राष्ट्रिय महिला दिवसको अवसरमा महिलाको सुरक्षा र सम्मानार्थ सहयोग कार्यक्रमको आयोजना गरेको पुस्तकालयका अध्यक्ष कृष्ण बस्नेतले बताउनु भयो ।