जेठ १

दोलखाको शैलुङ गाउँपालिका वडा नम्बर ७ फस्कुस्थित चर्णावती धाममा सञ्चालन गर्न लागिएको महायज्ञको तयारी तीव्र पारिएको छ । जेष्ठ नागरिक सेवा केन्द्र सञ्चालानका लागि आयोजना गर्न लागिएको श्रीमद् देवी भागवत महापुराण नवाह ज्ञान महायज्ञ तथा धार्मिक अनुष्ठान कार्यक्रमको तयारी तीव्र पारिएको आयोजकको भनाइ छ ।
आगामी जेठ महिनाको ७ देखि १५ गतेसम्म सञ्चालन हुने महायज्ञको तयारी तयारी तीव्र पारिएको चर्णावती त्रिवेणी विकास तथा प्रवद्र्धन संघ दोलखाका अध्यक्ष गुण बहादुर बुढाथोकीले बताउनु भयोे । उहाँका अनुसार महायज्ञको तयारीको क्रममा आर्थिक सहयोग समेत संकलन हुन थालेको छ ।

चरङ्गे बजारमा निर्माण गरिएको जेष्ठ नागरिक सेवा केन्द्र सञ्चालनका लागि सहयोग जुटाउने र प्रचारप्रसार गर्ने उद्धेश्यले गरिएको नवाह ज्ञान महायज्ञमा सुरु हुनु भन्दा अघिबाटनै आर्थिक सहयोग जुटन थालेको हो ।

हिजो (आइतबार) भीमेश्वर नगरपालिका वडा नम्वर ३ का पम्फा राउतले १ लाख १ हजार रुपैयाँ रकम सहयोग गर्नुभएको महायज्ञ दोलखाका प्रचार प्रसार समितिका संयोजक शिवकुमार भुजेलले जानकारी दिनुभयो । उहाँँका अनुसार यस अघि मनिषा श्रेष्ठबाट ५० हजार रुपैयाँ, केशव कटवाल, बबिता बस्नेत र च्छोरोल्पा गौरीशंकर मिडिया प्रालिबाट ५÷५ हजार रुपैयाँ गरी हाल सम्म १ लाख ६६ हजार रुपैयाँ रकम सकलन भई सकेको छ भने यो क्रम जारी रहेको छ ।