विनिता शिवाकोटी
जेठ ६
प्रगति बचत तथा ऋण सहकारी संस्थाले रजत वर्षको अवसरमा निशुल्क आँखा परीक्षण शिविरको आयोजना गरेको छ ।
दोलखा लाईन्स आँखा केन्द्र दोलखाको सहयोगमा र स्वास्थ चौकी दोलखा र स्वास्थ चौकी क्षमावतीको प्रविधिक सहयोगमा सम्पन्न शिविरमा ३ सय १५ जनाको आँखाको परीक्षण गरी ३७ जनालाई निशुल्क चश्मा प्रदान गरिएको संस्थाका अध्यक्ष जगत प्रसाद सुवेदीले बताउनुभयो ।
भीमेश्वर नगरपालिका वडा नं २ मा रहेका त्रिपुरा सुन्दरी आधारभूत बिधालयको परिसरमा सम्पन्न शिविरमा १५१ जनाको आँखा परिक्षण गरि १७ जनालाई निशुल्क चस्मा प्रदान गरिएको थियो भने दोस्रो भीमेश्वर नगरपालिका १ पानीघाटमा सम्पन्न शिविरमा १६४ जनाको आँखा परिक्षण र २० जनालाई निशुल्क चस्मा प्रदान गरिएको आयोजकले जनाएको छ ।
प्रगति बचत तथा ऋण सहकारी संस्थामा हाल १ हजार ३ सय ४८ शेयर सदस्य रहेका छन् भने बैशाख महिनाको अन्तिमसम्म कुल पूँजी ६ करोड ६३ लाख ५५ हजार २ सय ७२ रहेको छ ।
२०५५ सालमा स्थापना भएको सहकारी अहिले २५ वर्षमा रहेको छ । यो वर्षभरी सहकारीको नियमित कारोबारसंगै सेवामूलक र रचनात्मक कार्यक्रम गर्दै जाने अध्यक्ष सुवेदीको भनाइ छ ।
सहकारीको भीमेश्वर नगरपालिका वडा नं २ मा मुख्य कार्यालय रहेको छ ।