जेठ ९

दोलखाको वैतेश्वर गाउँपालिकाले शैलुङ गाउँपालिका वडा नम्बर ७ फस्कुस्थित चर्णावती धाममा जेष्ठ नागरिक सेवा केन्द्र सञ्चालानका लागि १५ लाख ६० हजार रुपैयाँ रकम अक्षयकोषमा राख्ने घोषणा गरेको छ । चर्णावती धाममा जेष्ठ नागरिक सेवा केन्द्र सञ्चालानका लागि आयोजना गरिएको श्रीमद् देवी भागवत महापुराण नवाह ज्ञान महायज्ञको तेस्रो दिन आज पालिकाका अध्यक्ष छवि लामाले १५ लाख ६० हजार रुपैयाँ रकम अध्यक्ष कोषमा राख्ने घोषण गर्नुभएको हो । पालिकाको तर्फबाट जेष्ठ नागरिक सेवा केन्द्र सञ्चालनका लागि आगामी आर्थिक वर्ष २०८०÷०८१ को बजेटमा १५ लाख ६० रुपैयाँ रकम अक्षयकोषमा राख्ने गाउँपालिकाका अध्यक्ष लामाले घोषणा गर्नु हुदैँ व्यक्तिगत रुपमा लामाले ११ हजार रुपैयाँ रकम आज हस्तान्तरण गर्नुभएको छ । यस अघि जिल्ला शैलुङ गाउँपालिकाले १५ लाख रुपैयाँ रकम दिने घोषणा गरेको थियो । गाउँपालिकाका अध्यक्ष रिमाल बाबु श्रेष्ठले महायज्ञको उद्घाटन कार्यक्रमको अवसरमा १५ लाख रुपैयाँ रकम अक्षय कोषमा राख्ने घोषणा गर्नुभएको थियो भने जिल्लाको मेलुङ गाउँपालिकाले जेष्ठ नागरिक सेवा केन्द्र सञ्चालनका लागि अक्षयकोषमा १० लाख रुपैयाँ प्रदान गर्ने घोषणा गरि सकेको छ ।
जेष्ठ नागरिक सेवा केन्द्र सञ्चालनका लागि आगामी आर्थिक वर्ष २०८०÷०८१ को बजेटबाट १० लाख रुपैयाँ रकम अक्षयकोषमा राख्ने गाउँपालिकाका अध्यक्ष हिराकुमार तामाङले घोषणा गर्नुभएको छ । महायज्ञको आज तेस्रो दिन पनि भक्तजनहरुको भिड लागेको छ ।