भीमेश्वर नगरपालिकाको आयोजनामा माउन्टेन बाइक रिले दौड

1 वर्ष अगाडि | समदृष्टि अनलाइन संवाददाता

रविता महत

भीमेश्वर नगरपालिकाको आयोजनामा सञ्चालन हुन लागेको माउन्टेन बाइक रिले दौडको उद्घाटन दोलखा सदरमुकाम चरिकोटबाट गरिएको छ ।
गणतन्त्र दिवसको अवसर पारेर यति ओरिजिन्सले सञ्चालन गर्न लागेको माउन्टेन बाईक रिले दौड (सिजन–एक) को आज एक कार्यक्रमका प्रतिनिधि सभा सदस्य गंगा कार्कीले एका कार्यक्रमका बिच उद्घाटन गर्नुभएको हो ।
दोलखाको पर्यटकीय नगर भीमेश्वर नगरपालिकालाई साहसिक खेलको हबका रुपमा स्थापित गराउने उद्देश्यले खेलको आयोजना गरिएको भीमेश्वर नगरका नगर प्रमुख इश्वर नारायण मानन्धरले बताउनुभयो ।
बाइक रिडे दौडमा ४ जना विदेशी सहित ४० जना नेपाली राइडर रहेका छन् । प्रत्येक ४ जनाको ग्रुपमा १ जना महिला राइडर अनिवार्य रहेको रेस डाइरेक्टर भुपेन्द्रमान श्रेष्ठको भनाइ छ ।
कालिञ्चोक मन्दिरदेखि नागदहसम्मका ४ रुटहरुमा हुने सो प्रतियोगिता १५ गते १० बजेबाट शुरु हुने आयोजकको भनाइ छ । भोलि ट्रायल रेस हुनेछ ।