दोलखा जिल्लामा मानव अधिकारका लागि महिला,एकल महिला समूह पुनर गठन गरिएको छ । गोमा खड्काको अध्यक्षतामा ११ सदस्यीय एकल महिला जिल्ला कार्यसमिति पुनरगठन भएको हो । समितिको उपाध्यक्षमा कमला सुवेदी,सचिव दुर्गा श्रेष्ठ,सचिव रचना शिवाकोटी र कोषाध्यक्षमा रमिता दहाल चयन हुनु भएको छ । समिति सदस्यहरुमा रिता कार्की,स्वस्थानी बस्नेत,लक्ष्मी खड्का,निरमाया तमाङ र यज्ञ कुमारी तुलाधर रहनु भएको छ ।
एकल महिलाका आवाज संगठित रुपमा उठाउने र हक अधिकार संरक्षणका लागि वि.सं २०६२ सालमा संस्था स्थापना भएको मानव अधिकारका लागि महिला,एकल महिला समूह जिल्ला सहयोगी साथी पार्वती खड्काले बताउनुभयो ।

संस्थाले एकल महिलाहरुको तथ्याङ संकलन गर्ने,अवस्था पहिचान गर्ने,गाउँपालिका र नगरपालिकासंग समन्वय गरेर काम गर्ने र सबै स्थानीय तहमा एकल महिला समूह गठन गर्ने कार्ययोजना निर्माण भएको जिल्ला सहयोगी साथी खड्काको भनाइ छ ।
जिल्लाका एकल महिलाका लागि कानुनमा महिला अधिकार विषयक ४ दिने अभिमुखीकरण कार्यक्रमको अवशर पारेर जिल्ला समिति गठन भएको हो । माइति मञ्च दोलखाको आयोजनामा एकल महिलाहरुको क्षमता विकासका लागि अदुवाको अचार बनाउने र कानुनमा महिला अधिकार विषयक तालिमको आयोजना गरेको थियो । कार्यक्रम भीमेश्वर नगरपालिकाको सहयोगमा सम्पन्न भएको हो ।

एकल महिला भन्नाले श्रीमानका साथ नभएकी महिलालाई जनाउँछ । ३५ वर्षको उमेरसम्म विवाह नगरी बसेका, श्रीमानको मृत्यु भएका, श्रीमानबाट छोडिएका, श्रीमान् बेपत्ता भएका, श्रीमानसँग सम्बन्ध विच्छेद भएका, श्रीमानबाट अलग भएर बसेका महिलाहरुलाई परिभाषित गरेको छ