दोलखाको भीमेश्वर नगरपालिका वडा नं २ सोक्ला–खेलाप भ्यालीमा धान दिवस मनाउने भएको छ । सोक्ला खेलाप कृषि तथा पशुपालन समूहको बैठकले यो वर्षको धान दिवस भव्य रुपमा मनाउने निर्णय गरेको हो ।

कृषि समूहका अध्यक्ष सन्त बहादुर थामीको संयोजकत्वमा धान दिवस मनाउने समिति बनाईएको छ । सो दिन सोक्ला भ्यालीमा कुनै पनि स्थानीयले रोपाई नराख्ने र सबैले धान दिवसमा सहभागी हुने बैठकको निर्णय रहेको सचिव बल बहादुर थामीले जानकारी दि।नुभयो ।

धान दिवसमा पञ्चै बाजा, स्थानीय लोक भाका, संस्कृति झल्कने साँस्कृतिक कार्यक्रम समेत हुने जनाइएको छ । सोक्ला पर्यटन विकास समाजको संयोजन र भीमेश्वर नगरपालिकाको सहकार्यमा धान दिवस भव्य रुपमा मनाउने तयारी भएको कृषि समूहले जनाएको छ ।

यस कार्यक्रमले सोक्ला भ्यालीको प्रवद्र्धन, कृषि पर्यटन, डिलढुंगा, चक्पा, बस्नेत टोल, सोक्ला खेलाप, फूलपा, डाँडागाउँ, नेगल ग्रामिण सडकको गुणस्तरमा सहयोग पुग्ने लक्ष्य लिएको छ ।