असार १०
दोलखाको भीमेश्वर नगरपालिकाले आगामी आर्थिक वर्षका लागि ८१ करोड १२ लख ९० हजार रुपैयाँ बराबरको बजेट ल्याएको छ । नगरपालिकाले आगामी आर्थिक वर्ष २०८०÷८१ को लागि ८१ करोड १२ लाख ९० हजार रुपैयाँ बराबरको बजेट ल्याएको हो ।
नगरपालिकाको तेस्रो नगर सभामा नगर उपप्रमुख कमला बस्नेतले आर्थिक विकासका लागि ४९ करोड ४३ हजार रुपैयाँ, सामाजिक विकासका लागि २५ करोड २७ लाख ५४ हजार रुपैयाँ, भौतिक पूर्वाधार विकासका लागि १ करोड ७७ लाख ५० हजार रुपैयाँ,सुशासन तथा अन्तर सम्बन्धित क्षेत्रमा र १० करोड ३९ लाख ४३ हजार रुपैयाँ बजेट प्रस्ताव गरिएको छ ।
नगरपालिकाले चालु आर्थिक वर्ष २०७९÷८० का लागि ९४ करोड ५३ लाख १७ हजार २ सय ७० रुपैयाँ बजेट विनियोजन गरेको थियो । गत वर्षको तुलनामा यो वर्ष १३ करोड रकम कम भएको हो ।
नगरपालिकाले कुल बजेटको सबैभन्दा बढी ३५.१२ प्रतिशत रकम शिक्षा क्षेत्रमा विनियोजन गरेको छ भने कृषिमा २.५३ प्रतिशत,पशु विकासमा १.१३ प्रतिशत,सिञ्चाईमा ०.२१, नगरपालिकाले सूचना तथा तथा सञ्चार प्रविधिमा ०.१७ प्रतिशत बजेट विनियोजन गरेको छ । पर्यटन विकासमा ०.३८,उद्योगमा १.४४ प्रतिशत,सहकारी र न्यायमा पहुँच र सामाजिक न्यायका लागि ०.१३ प्रतिशत बजेट विनियोजन गरेको छ । कुल बजेटको वित्तीय संस्थामा ०.४ प्रतिशत बजेट विनियोजन गरेको छ । स्वास्थ्य क्षेत्रमा ७.७६ प्रतिशत,खानेपानीमा १.१४ प्रतिशत,भाषा संस्कृतिमा १.८० खेलकुुुुुदमा ०.२६ प्रतिशत र लैङ्गिक समानता तर्फ ३.८ प्रतिशत रकम विनियोजन गरेको छ । नगरपालिकाले सडक तथा पुलमा १६.५६ प्रतिशत,भवन तथा शहरी विकासमा १३.०१ प्रतिशत,उर्जा तथा जलविद्युतमा ०.४७ प्रतिशत वन तथा वातारणमा ०.०६ प्रतिशत र विपद् व्यवस्थापनमा ०.७७ प्रतिशत रकम विनियोजन गरेको छ ।