तारादेवी बस्नेत

दोलखाको मेलुङ गाउँपालिकामा जनसङख्या भन्दा मतदाताको सङख्या बढी भएको पाइएको छ । पालिकामा राष्ट्रिय जनगणना २०७८ अनुसार जनसङख्या भन्दा धेरै मतदाताको सङख्या भएको पाईएको हो । तथ्याङक विभागले सार्वजनिक गरेको तथ्याङ्क अनुसार पालिकामा जनसङख्या भन्दा २ हजार २ सय ६० जना बढी मतदाताको सङख्या रहेको पाईएको हो । १८ हजार १ सय ५३ जना मतदाता रहेको पालिकामा जनसङख्या भने १५ हजार ८ सय ९३ जना रहेको छ । जनगणनाका लागि पठाएका गणकहरुले राम्रो सँग गणना नगरेको कारण पनि मतदाता भन्दा कम जनसङख्या भएको हुन सक्ने मेलुङ गाउँपालिकाका अध्यक्ष हिराकुमार तमाङले जानकारी दिनुभयो ।
जिल्लामा १० वर्षको अवधिमा १३ हजार जनसङ्ख्या घटेको छ । राष्ट्रिय तथ्यांङक विभागले सार्वजनिक गरेको राष्ट्रिय जनगणना २०७८ को नतिजा अनुसार दोलखाको जनसंख्या १० वर्षमा १३ हजार ७ सय ९० ले घटेको देखाएको हो ।
२०६८ सालको जनगणना अनुसार दोलखाको जनसंख्या १ लाख ८६ हजार ५ सय ५७ रहेको थियो । तथ्यांङक विभागले सार्वजनिक गरेको विवरण अनुसार दोलखाको जनसंख्या १ लाख ७२ हजार ७ सय ६७ छ ।