भीमेश्वर नगरपालिका वडा नं ७ ले वडाको समग्र विकासका लागि योगदान पु¥याउने विभिन्न व्यक्ति तथा संस्थाको सम्मान गरेको छ । विकासमा योगदान गर्ने व्यक्ति तथा संस्थाको सम्मानको संस्कार विकास गर्ने र वडाको विकासमा सहयोग पु¥याउने उद्देश्यले कार्यक्रम गरिएको वडाध्यक्ष विनोद तमाङले बताउनुभयो ।
भीमेश्वर नगरपालिकाका प्रमुख ईश्वर नारायण मानन्धरको प्रमुख आतिथ्यतामा सम्पन्न सम्मान कार्यक्रममा वडाकै सामुदायिक विद्यालयका उत्कृष्ट प्रधानाध्यापकमा कुटीडाँडा माध्यमिक विद्यालयका शङ्करलाल श्रेष्ठ सम्मानित हुनुभएको छ भने उत्कृष्ट शिक्षकमा सोही विद्यालयका सहायक प्रधानाध्यापक ईश्वर चौलागाई सम्मानित हुनु भएको छ । उत्कृष्ट शिक्षकमा सम्मानित हुनेमा हरिकृतन आधारभूत विदुु्यालयका कृष्ण बहादुुर मुग्राती,कुप्री आधारभूत विद्यालयबाट कृष्ण प्रसाद सुवेदी,विरेन्द्र आधारभूतबाट धिरज आपगाईं,साखिने आधारभूत विद्यालयबाट सन्तोषी थापा राउत,सेतीदेवी मावि काउलेबाट लक्ष्मण पाख्रिन सम्मानित हुनुभएको हो । वडामा २ माध्यमिक विद्यालय र ४ आधारभूत विद्यालय रहेका छन् ।
वडाका उत्कृष्ट उत्कृष्ट कर्मचारी भवेन्द्र थापा र निर्मला बस्तेत सम्मानित हुनु भयो भने उत्कृष्ट स्वास्थ्यकर्मीमा मकैबारी स्वास्थ्य चौकीकी लक्ष्मी केसी सम्मानित हुनु भएको छ ।
वडाले ९० वर्षमाथिका ३ जना जेष्ठ नागरिक दल बहादुर खड्का ,मित्रलाल चौलागाईँ र हरि बहादुर मगर लाई सम्मान गरेको छ ।
लामो समयदेखि जनप्रतिनिधिको रुपमा योगदान गरेका १३ जनाको सम्मान गरेका छन् । सम्मानित हुनेहरुमा पूर्व जनप्रतिनिधि कैलास कुमार श्रेष्ठ,नरम कुमारी शाह,तारा मुग्राती,अर्जुन लामा,हरिकृष्ण बस्नेत रहनु भएको छ भने कर्ण बहादुर शाही,नेत्र बहादुर बस्नेत,खेम बहादुर थापा,राजकुमार थापा,कृष्ण बहादुर कार्की,रामबहादर भुुुुुुजेल,नेत्र बहादुर तमाङ,नारायण बहादुर भुजेललाई सम्मान गरेको वडाले जनाएको छ ।
स्थानीय समाजसेवी बुद्धिजीवी नरेन्द्र बहादुर बस्नेत,पूर्ण बहादुर थापा ,रत्न बहादुर केसी,शिववहादुर बस्नेत,वीर बहादुर मोक्तान,मेख बहादुर तमाङ,जेठी भुजेल सम्मानित हुनुभएको छ । वडाले उत्कृष्ट उपभोक्ता समितिमा नेवार गाउँ ढुुुुुुुुुुुुुङेगधारा निर्माण रेक बहादुर श्रेष्ठलाई सम्मान गरेको छ भने उत्कृष्ट कृषक शेर बहादुर तमाङलाई सम्मान गरेको छ ।
कार्यक्रमको अवसर पारेर नोबेल कलेजबाट इन्र्टनसीपमा आएका १० जना विद्यार्थी र कलेजलाई प्रसंसापत्रले सम्मान गरेको वडाको भनाइ छ ।