नेपाल मानव धर्म सेवा समिति दोलखा शाखाले स्रष्टाको सम्मान र रचनावाचन सहित भानुजयन्ती कार्यक्रम मनाएको छ । २१० औ भानु जयन्तीको अवसर पारेर समितिको आश्रम चरिकोटमा दोलखाली स्रष्टा कवि विष्णु सुवेदी र बालकृष्ण थपलियालाई सम्मानसहित कार्यक्रम गरेको हो ।
दोलखा संस्कृति प्रतिष्ठानका अध्यक्ष शंकरलाल श्रेष्ठको प्रमुख आतिथ्यतामा सम्पन्न कार्यक्रममा नेपाल पत्रकार महासंघ दोलखा शाखाका अध्यक्ष दीपशंकर चौलागाई,कवि विष्णु सुवेदी,कवि तथा गजलकार जीत कार्की लगायतले मन्तव्यसहित रचनावाचन गर्नु भएको थियो । नेपाल मानव धर्म सेवा समितिका केशव प्रसाद चौलागाई र राजन पकवालले वर्तमान अवस्थामा मानव धर्मको सान्दर्भिकताको सवालमा मन्तव्य व्यक्त गर्नुभयो ।

मानव धर्म सेवा समिति चरिकोट शाखाका प्रमुख विणा वाइजीको अध्यक्षतामा भएको कार्यक्रममा भानुभक्तका सिर्जना जीवन सार्थक बनाउन उपयोगी बनाउन वक्ताहरुले जोड दिए । कार्यक्रममा महात्मा शिवानन्द र मानवी वाइजीले आर्शीरवचन दिनु भएको थियो ।

कार्यक्रममा द राइजिङ स्टार  स्कुलका बालबालिकाले भानुभक्तको कृतित्व र व्यक्तित्वसहितका मन्तव्य लगायत रचना वाचन गरेका थिए । कार्यक्रममा दिपिका सापकोटा,नविना खतिवडा,रेविका ढुङगेल,ऋचा दुलाल,कालिनाग माध्यमिक विद्यालय सुनखानीकी पूर्णिमा शिवाकोटीले पनि रचना वाचन गरे ।
कार्यक्रमको सहजीकरण नेपाल मानव धर्म सेवा समिति शिक्षा अभियान प्रमुख नवराज शिवाकोटीले गर्नुभएको थियो ।

कार्यक्रममा  नेपाल रेडक्रश सोसाइटी दोलखाका पूर्व अध्यक्ष गोकर्ण प्रसाद पोखरेल, पत्रकार, द राइजिङ स्टार  स्कुलका शिक्षक, विद्यार्थी,पत्रकार,नेपाल मानव धर्म सेवा समिति दोलखा, सेवा समिति सुन्द्रावती शाखा,सिंगटी,नाम्दु,लगायत जिल्लाका विभिन्न भुगोलबाट भक्तप्रेमीहरुको बाक्लो उपस्थिति रहेको थियो ।