दोलखा
साउन ५

नेपाल कम्युनिष्ट पार्टीका संस्थापक महासचिव पुष्पलाल श्रेष्ठको ४५ औं स्मृतिमा गौरीशङ्कर बहुमुखी क्याम्पस परिसरमा वृक्षारोपण गरिएको छ ।

मदन–आश्रित स्मृति प्रतिष्ठान दोलखा शाखा र अखिल नेपाल राष्ट्रिय स्वतन्त्र विद्यार्थी युनियन अनेरास्ववियु दोलखाले संयुक्त रुपमा वृक्षारोपण गरेका हुन् । क्याम्पस परिसरमा धुपी,कल्की,जराकाण्ड र कपुर जातका विरुवा रोपिएको मदन–आश्रित स्मृति प्रतिष्ठान दोलखा शाखाले जनाएको छ ।

मदन–आश्रित स्मृति प्रतिष्ठान दोलखा शाखा दोलखाका अध्यक्ष सन्तोष खड्काको अध्यक्षतामा भएको वृक्षारोपण कार्यक्रममा कार्यक्रममा नेकपा एमाले दोलखाका अध्यक्ष नर बहादुर श्रेष्ठ, एमाले बागमती प्रदेश कमिटी सदस्य तथा प्रदेशसभा सदस्य भरत बहादुर केसीले विरुवा रोपेर उद्घाटन गर्नुभएको थियो ।

कार्यक्रममा एमाले दोलखाका उपाध्यक्ष राजेन्द्र मानन्धर, उपसचिव धर्मेन्द्र मोक्तान र सुन्दर कार्की, गौरीशङ्कर बहुमुखी क्याम्पसका क्याम्पस प्रमुख शान्त केसी, अनेरास्ववियुका केन्द्रीय सदस्य राजकुमार ढुङ्गेल, अनेरास्ववियु दोलखाका संयोजक जिपछिरीङ शेर्पा,अनेरास्ववीयूका केन्द्रीय तथा जिल्ला स्तरका नेता लगायत क्याम्पसमा अध्ययनरत विद्यार्थीको सहभागितामा वृक्षारोपण कार्यक्रम सम्पन्न भएको हो  ।