दोलखाको शैलुङ गाउँपालिका वडा नम्वर ५ ले बाँदरले मकै बालीमा क्षति पु¥याएका पीडित कुषकहरुलाई क्षतिपूर्ति दिने भएको छ । बाँदरले बाली नष्ट गरेपछि पछिल्लो समय कृषकहरु कृषि पेशाबाट पलायन भई रहेको बेला वडाले चालु आर्थिक वर्ष २०८०÷०८१ मा बाँदरले मकै बालीमा क्षति पु¥याएका पीडित कृषकहरुलाई क्षतिपूर्ति दिने निर्णय गरेको वडा नम्वर ५ का वडा अध्यक्ष दिलकुमार तमाङले जानकारी दिनुभयो ।

उहाँका अनुसार बाँदरका कारण बर्षेनी मकै बालीमा क्षती हुने क्रम बढेकाले पीडित कृषकहरुलाई आंशिक क्षतिपूर्तिवापत प्रति रोपनी एक हजार रुपैयाँ देखि २ हजार ५ सय रुपैयाँसम्म रकम क्षतिपूर्ति दिने निर्णय गरेको हो । बाँदरले बालीमा क्षति पु¥याएका पीडित कृषकहरुको क्षतिको अवस्था बारेमा कृषि प्राविधिकहरुको स्थलगत अवलोकन पश्चात सम्भावित हुनसक्ने उत्पादन र बाँदरले पु¥याएको क्षतिको मूल्यांङ्कन अनुसार क्षतिपुर्ति प्रदान गरिने छ ।
दोलखा जिल्लामा बाँदरको क्षतिपूर्ति दिने व्यवस्था गर्ने पहिलो वडा रहेको वडाले दाबी गरेको छ ।