साउन २६
दोलखाको वैत्यश्वर गाउपालिकाको वडा नम्बर १ गोपीखोलामा यात्रुबाहक बस दुर्घटना हुदा २२ जना घाइते भएका छन ।घाइते मध्ये २ जनाको अवस्था गम्भिर रहेको छ ।
आज बिहान ९ बजे वैत्यश्वर गाउपालिका वडा नम्बर १ गैरीमुदीको जोरमानेबाट काठमाडौ तर्फ जादै गरेको बा २ ख ५४२९ नम्बरको बस दुर्घटना हुदा २२ जना घाइते भएको जिल्ला प्रहरी कार्यलय दोलखाले जनाएको छ ।
घाइते मध्ये सोही स्थानकी ४० वर्षिया लक्ष्मी श्रेष्ठ र ५६ वर्र्षिया नरमाया तमाङको अवस्था गम्भिर रहेको जिल्ला प्रहरी कार्यलय दोलखाले जनाएको छ ।
गम्भिर घाइते श्रेष्ठ र तमाङलाई थप उपचारको लागी काठमाडौ रिफर गरेको च्छोरोल्पा अस्पताल दोलखाले जनाएको छ ।
घाइते मध्ये १२ जनाको सामुदायिक अस्पताल र बाकी ८ जनाको च्छोरोल्पा जनरल अस्पतालमा उपचार भइरहेका छ ।
बस सडकबाट अनियन्त्रित भई २० मिटर तल खसेको प्रहरीले जनाएको छ ।