जनमुखी बचत तथा ऋण सहकारी सस्ंथाले दोलखा सदरमुकाममा कार्यक्शलता तथा सिकाइ व्यवस्थापन कार्यशाला गोष्ठीको आयोजना गरेको छ । सहकारी संस्थालाई थप प्रभावकारी र विश्वसनीय बनाउन सहकारीबीच प्रगाढ सम्बन्ध स्थापित गर्नेे उद्देश्यले वागमती प्रदेशका सहकारीबीच छलफल कार्यक्रमको आयोजना गरिएको सहकारीका उपाध्यक्ष गीताकृष्ण शर्माले बताउनुभयो ।
नेफ्स्कुन दोलखा फिल्ड कार्यालयको प्राविधिक सहयोगमा आयोजना गरिएको कार्यशालामा वागमती प्रदेश अन्तरगतका एक्सेस वागमती क्लष्टर दोस्रो समूह अन्तरगतका १० सहकारी संस्थाका प्रमुख तथा प्रतिनिधिहरुको सहभागिता रहेको थियो ।

कार्यक्रममा सहकारी सस्ंथाका प्रमुख तथा प्रतिनिधिहरुले असल अभ्यास,नमुना सिकाइ आदानप्रदान गरेका थिए । सहकारीका प्रतिनिधिहरुले राखेका सुझाव,अनुभव र निष्कर्षलाई थप व्यवहारिक र प्रभावकारी बनाउन कार्यशाला प्रभावकारी हुने आयोजक संस्थाले अपेक्षा राखेको छ ।
जनमुखी बचत तथा ऋण सहकारी सस्ंथा काब्रे मैनापोखरीका अध्यक्ष माधब प्रसाद दाहालको अध्यक्षतामा भएको कार्यक्रमका वागमती प्रदेश सभा सदस्य भरत बहादुर केसीले सहकारी संस्थाहरुले पैसाको किनबेच मात्रै नगरेर स्थानीय स्रोत र साधनको संरक्षण र प्रयोगमा जोड दिन आग्रह गर्नुभयो । उहाँले सहकारी उत्पादनमुखी भएर अगाडि बढ्नु आजको आवश्यकता भएको सुझाव दिनुभयो ।
कार्यक्रममा नेफ्स्कुनका अधिकृत प्रेम प्रसाद वाग्लेले विषयवस्तुमा सहजीकरण गर्नुभएको थियो भने जिल्ला सहकारी संघका महासचिव कृष्ण प्रसाद दहाल लगायतले शुभकामना मन्तव्य व्यक्त गर्नुभएको थियो ।