दोलखा सदरमुकाम चरिकोटमा रहेको जनहित बहुउद्देश्यीय सहकारी संस्थाको २२ औं साधारण सभा सम्पन्न भएको छ । साधारण सभाको अवसर पारेर जनहित बहुउद्देश्यीय सहकारी संस्था र चित्रेश्वर बहुउद्देश्यीय सहकारी संस्थाको औपचारिक एकीकरण कार्यक्रम समेत एक साथ सम्पन्न भएको जनहित बहुउद्देश्यीय सहकारी संस्थाका व्यवस्थापक रमेशचन्द्र बस्नेतले जानकारी दिनुभयो ।
व्यवस्थापक बस्नेतका अनुसार औपचारिक एकीकरण पछि नवराज प्रसाद न्यौपानेको अध्यक्षतामा तदर्थ सञ्चालक समिति गठन भएको छ । तदर्थ समितिको उपाध्यक्षमा श्यामकृष्ण कायस्थ,सचिव राम बहादुर वली,सहसचिव गणेश प्रसाद न्यौपाने,कोषाध्यक्ष भरत प्रसाद ढुंगेल चयन हुनुभएको छ । सञ्चालक सदस्यहरू गणेशकुमार श्रेष्ठ, बिजय कुमार खड्का, रुद्र बहादुर शिवाकोटी, सुमन थापा, राम बहादुर कार्की, राधा शाही, शिव बहादुर बस्नेत, राम बहादुर भुजेल निर्विरोध हुनु भएको हो ।

सभाले लेखा सुपरीवेक्षण समितिको संयोजकमा भीम प्रसाद सुवेदी र सदस्यहरुमा सिताराम कायस्थ र राजन थापा चयन गरेको छ ।
सहकारीका अध्यक्ष दिनेश बस्नेतको अध्यक्षतमा सम्पन्न २२ औं साधारण सभामा जनहित बहुउद्देश्यीय सहकारीका श्यामकृष्ण कायस्थ र चित्रेश्वर सहकारीका सचिव भीम प्रसाद सुवेदीले प्रगति प्रतिवेदन प्रस्तुत गर्नुभएकको थियो भने जनहित सहकारीका कोषाध्यक्ष राम बहादुर ओलीले ४० करोड बराबरको आर्थिक प्रतिवेदन प्रस्तुत गर्नुभएको थियो भने र चित्रेश्वर सहकारीका कोषाध्यक्ष भरत प्रसाद ढुंगेलले १० करोड बराबरको आर्थिक प्रतिवेदन प्रस्तुत गर्नु भएको थियो ।
सभाकै अवसरमा च्छोरोल्पा जनरल अस्पतालसँग शेयर सदस्यको लागि सहुलियत स्वास्थ्य सेवाका लागि दुई वर्षको सम्झौता गरिएको छ ।

जिल्ला सहकारी संघ दोलखाका अध्यक्ष हेमन्त चौलागाईको प्रमुख आतिथ्यतामा सम्पन्न साधारण सभामा भीमेश्वर नगरपालिकाका नारायण सेढाई, चित्रेश्वर बहुउद्देश्यीय सहकारी संस्थाका अध्यक्ष दिलकृष्ण कायस्थ, अर्थभूमि बचत तथा ऋण सहकारी संस्था लि. का अध्यक्ष कृष्ण प्रसाद दाहाल, नेपाल पत्रकार महासंघ दोलखा सचिव दिल बहादुुर केसी र संस्थाका उपाध्यक्ष नवराज न्यौपानेले मन्तव्य व्यक्त गर्नुभएको थियो ।

कार्यक्रममा पौराणिक भजन तथा विभिन्न साँस्कृतिक कार्यक्रमसमेत प्रस्तुत गरिएको थियो ।