तारादेवी बस्नेत

नेकपा एमालेका पोलिटव्युरो सदस्य महेश बस्नेतले देशमा बढेको महँगी र भ्रष्टाचारको विरोधमा लाग्न युवाहरुलाई निर्देशन दिनुभएको छ । राष्ट्रिय युवा संघ नेपाल दोलखाको ९ औ जिल्ला सम्मेलनलाई सम्बोधन गर्नुहुदैँ बस्नेतले देशमा बढेको महँगी र भ्रष्टाचारको विरोधमा लाग्न युवाहरुलाई निर्देशन दिनुभएको हो । सत्ता गठबन्धनलाई आगामी निर्वाचनमा हिसाबकिताब देखाइदिने चेतावनी दिनुभयो ।
उहाँले युवा संघका नेता कार्यकर्तालाई संगठन निर्माणमा सक्रियताका साथ लाग्न पनि आग्रह गर्नुभएको छ । नेकपा एमाले र त्यसका अध्यक्ष केपी शर्मा ओली माथि भएको आक्रमणको सशक्त प्रतिवाद र विरोध गर्न बस्नेतले राष्ट्रिय युवा संघ नेपाललाई निर्देशन दिनुभएको छ । राष्ट्रिय युवा संघ नेपाल दोलखा संयोजक भुवन गुरुङको अध्यक्षतामा भएको सम्मेलनमा राष्ट्रिय युवा संघ नेपालका उपाध्यक्ष महाराज गुरुङ नेकपा एमाले बागमति प्रदेश कमीटीका सदस्य एंव प्रदेश सांसद भरत बहादुर केसी, नेकपा एमाले दोलखाका अध्यक्ष नर बहादुर श्रेष्ठ लगायतले मन्तव्य व्यक्त गर्नुभएको थियो । सम्मेलनमा विभिन्न व्यक्तिहरुलाई सम्मान गरिएको छ । नयाँ कार्यसमित चयन गर्ने जिल्ला सम्मेलनका लागि जिल्लाबाट करिब ४ सय जना प्रतिनिधिहरु सहभागिता रहेको थियो ।