जिल्ला सहकारी संघ दोलखा प्रदेशकै उत्कृष्ट संघ घोषित भएको छ । बागमती प्रदेश सहकारी संघको तेस्रो वार्षिक साधारण सभाको अवशरमा वागमती प्रदेशका संस्कृति,पर्यटन तथा सहकारी मन्त्रीले उत्कृष्ट संघको रुपमा पुुरस्कार प्रदान गर्नुभएको हो ।
कार्यक्रमको अवसरमा जिल्ला सहकारी संघका उपाध्यक्ष देवी प्रसाद शर्मा,महासचिव कृष्ण प्रसाद दहाल लगायतको जिल्लाको नेतृत्वलाई सम्मानसहित पुुरस्कार प्रदान गरिएको थियो ।

दोलखा जिल्लामा अधिकतम सहकारी संघसंस्थालाई आवद्ध गराउँदै सञ्चालन क्षमता विकासका साथै स्थानीय तथा प्रदेश नियामक निकायसंगको वहस र पैरवीमा खेलेको भुूमिकाको कदर गर्दै प्रदेश एवम जिल्ला सहकारी संघ र विषयगत संघ मध्येबाट दोलखा जिल्ला सहकारी संघ उत्कृष्ट सहकारीमा पर्न सफल भएको जनाइएको छ ।

वागमती प्रदेशका १३ सहकारी संघमध्ये दोलखा जिल्ला उत्कृष्ट सहकारीको रुपमा पुुरस्कृत भएको हो । दोलखा जिल्लामा ४ सय ५० को संख्यामा जिल्ला सहकारी संघमा सहकारीहरु आवद्ध रहेका छन् ।