दोलखामा एक बृद्धको खुकुरी प्रहारबाट श्रीमति र नातिनी घाइते

12 हप्ता अगाडि | समदृष्टि अनलाइन संवाददाता

दोलखाको तामाकोशी गाउँपालिमा एक बृद्धले श्रीमति र नातिनीलाई खुकुरी प्रहार गरी घाइते बनाएका छन् । तामाकोशी गाउँपालिका वडा नं २ झुलेको ७२ वर्षीय मोहन बहादुर कार्कीले श्रीमति र नातिनीलाई खुकुरी प्रहार गरी घाइते बनाएका हुन् ।
आज राति करिब १० बजे कार्कीले ६८ वर्षकी श्रीमति तारादेवी कार्की र ८ वर्षीय नातिनी सुहाना कार्कीलाई घरेलु हतियार प्रहार गरी गम्भिर घाईते बनाएको जिल्ला प्रहरी कार्यालय दोलखाले जनाएको छ । घटनाको बारेमा सूचना पाएपछि छौंडे प्रहरी चौकीको प्रहरी टोलीले घाईते दुवैजनाको उद्धार गरी उपचारका लागि चरिकोट पठाएको र घटनामा संलग्न कार्कीलाई नियन्त्रणमा लिईएको छ ।
घाईतेहरुको च्छोरोल्पा जनरल अस्पताल चरिकोटमा उपचार भईरहेको र घटनामा संलग्न कार्की मानिसक रुपमा अस्वस्थ रहेको प्रहरीले जनाएको छ ।