असोज ११
अवैध सुन ओसारपसारमा संलग्न भएको आरोपमा थप २ जनालाई पक्राउ गरी सार्वजनिक गरेको छ ।
दोलखाको बिगु गाउँपालिका–१ का ५५ वर्षीय नुर्वु छिरिङ शेर्पा र सोही स्थानकी ३० वर्षीया सुनमाला तामाङलाई सदरमुकाम चरिकोट स्थित शुभकामना होटलवाट आज दिउँसो प्रहरीले पक्राउ गरेको हो । पक्राउ परेका दुवै जना श्रीमान् श्रीमती रहेको जिल्ला प्रहरी कार्यलयदोलखाले जनाएको छ ।
त्यस्तै अवैध सुन ओसारपसारमा संलग्नलाई गय राति दोलखा प्रहरीले जिल्लाको विगु गाउपालिको वडा नम्बर ३ का २८ वर्षीय केशर तामाङ, सोही स्थानका १८ वर्षीय पेम्बा तामाङ र २० वर्षीय माधव मगर लाई पक्राउ गरेको हो । पक्राउ परेकाहरु र उनीहरुवाट बरामद भएको ४ किलो सुनसहितको सामानहरु दोलखा प्रहरीले पत्रकार सम्मेलन गरी सार्वजनिक गरेको छ । पक्राउ परेकाहरुलाई जिल्ला अदालतबाट ८ दिनको म्याद लिई अनुसन्धान अघि बढाएको जनाएको छ ।
चिनियाँ नागरिकले नुर्वु छिरिङ मार्फत सुन पठाएको र अन्य व्यक्तिलाई ओसारपसारमा संलग्न गराएको हुन सक्ने प्रहरी नायब उपरिक्षक दिपक खड्काले बताउनुभयो । बरामद भएको सुन परिक्षणकालागिभोली काठमाडौं पठाईने प्रहरीले जनाएको छ ।उक्त सुन लामाबगरको फलाक नाकाबाट भित्रिएको आशंका गरिएको प्रहरीले जनाएको छ । चीन सरकारले आईतवारमात्र तिब्बतसंग सिमा जोडिएको दोलखाको दुईवटा नाका रोङसिया र क्वादम खुला गरेको थियो ।