साहित्यकार सुशिला शर्मा न्यौपानेको तेस्रो पुस्तक भुमरी उपन्यास शनिवार विमोचन गरिएको छ । भानु विद्यापति साहित्य प्रतिष्ठानको संयोजनमा सदरमुकाम चरिकोटमा आयोजित कार्यक्रममा भीमेश्वर नगरपालिकाका नगर प्रमुख इश्वर नारायण मानन्धरले पुस्तकको विमोचन गर्नु भएको हो ।
शर्माले यस अघि २०७१ सालमा पूर्णाङ्की नाटक परिवेश भित्रका मान्छेहरु र २०७६ सालमा पूर्णाङ्की नाटक गन्तव्य प्रकाशित गरीसक्नु भएको छ । दोलखाको विगु गाँउपालिकाको बुलुङमा जन्मनु भएको शर्माले बिभिन्न पत्रिकाहरुमा नाटक, कविता, लेख प्रकाशित गर्दै आउनु भएको छ ।
भानु विद्यापति साहित्य प्रतिष्ठानको अध्यक्ष शङ्करलाल श्रेष्ठको अध्यक्षतामा सम्पन्न पुस्तक विमोचन कार्यक्रममा दोलखाका प्रमुख जिल्ला अधिकारी एवं साहित्यकार कोमल प्रसाद धमलाले पुस्तकको समीक्षा गर्नु भएको थियो ।
भीमेश्वर नगरपालिकाका नगरप्रमुख इश्वर नारायण मानन्धर, उपप्रमुख कमला वस्नेत, मेलुङ गाँउपालिकाका उपप्रमुख गायत्री आचार्य, नेपाल पत्रकार महासंघ दोलखा शाखाका अध्यक्ष दीपशङ्कर चौलागाई लगायतले शुभकामनामन्तव्य व्यक्त गर्नु भएको थियो । निम्न मध्यम वर्गीय परिवारभित्रकोसामाजिक,आर्थिक,साँस्कृतिक समस्यालाई उजागर गरिएको छ । उपन्यासमा ग्रामीण जीवनको शोषण,दमन र उत्पीडनबाट महिलाले भोग्नु परेका यर्थाथलाई उपन्यासमा समेटिएको उपन्यास परिवेशका विषयमा स्रष्टा शर्माले बताउनु भयो ।
उपन्यास भुमरीको प्रकाशक गोपाल प्रसाद न्यौपाने रहनु भएको छ ।