असोज २२–
तारादेवी बस्नेत
जनसचेतन बचत तथा ऋण सहकारी संस्था देशकै उत्कृष्ट सहकारी संस्था भएको बागमती प्रदेश बचत तथा ऋण सहकारी संस्थाका सचिव भिमप्रसाद दाहालले बताउनु भएको छ।
दोलखाको बैतेश्वर गाउँपालिकाका मैनापोखरी मुख्य कार्यालय रहेको जनसचेतन बचत तथा ऋण सहकारी संस्थाका ३१औ स्थापना दिवसको अवसरमा आयोजित कार्यक्रमलाई सम्बोधन गर्नुहुँदै सहकारी संस्थाका पूर्व अध्यक्ष समेत रहनु भएका दाहालले नेपालमा रहेका तीस हजार सहकारी संस्था मध्ये जनसचेतन साकोस देशको उत्कृष्ट सहकारी भएको दावी गर्नु भएको हो ।
अध्यक्ष दहालले नीति,विधि,नियम अनुसार चल्ने सहकारीको रुपमा जनसचेतन देशभरीकै पिता सहकारी भएको समेत बताउनु भयो।
संस्थाका अध्यक्ष हेमन्त कुमार चौलागाईंको अध्यक्षतामा भएको कार्यक्रम वडा नम्वर ४ का वडा अध्यक्ष कुमार चौलागाईं, वडा नम्वर ५ वडा अध्यक्ष भुवन घिमिरे ,सहकारी संस्थापक सदस्य तथा तदर्थ समितिका सचिव पुन्यप्रसाद घिमीरे ,जलदेवी माध्यामिक विद्यालयका प्रधानाध्यापक गीताकुष्ण शर्मा,जनमुखी बचत तथा ऋण सहकारी संस्थाका अध्यक्ष माधवप्रसाद दाहाल, संस्थाका सचिव कमलप्रसाद दाहाल लगायतले मन्तव्य व्यक्त गर्नु भएको थियो ।
स्थापना दिवसको अवसरमा संस्थापक सदस्यहरुलाई सम्मान गरिएको थियो।
२०५० साल असोज २२ गते ३४ जनाबाट सुरु गरिएको सहकारीमा हाल बाल शेयर सदस्यहरु सहित ३९ हजार ९सय ६९ जना शेयर सदस्य रहेका छन् । गत भदौ मसान्त सम्म कुल पूँजी २,३६,६८,९५,४३२.६४ रहेको संस्थाले जनाएको छ ।