असोज २९
तारादेवी बस्नेत
दोलखाको भीमेश्वर बहिरा प्राथमिक विद्यालयमा आज एक लाख एक हजार रुपैयॉ बराबरको अक्षयकोष स्थापना गरिएको छ । भीमेश्वर नगरपालिका वडा नम्वर ४ निवासी धन बहादुर चौलागाई र पूर्णमाया चौलागाईंले आपना स्वर्गीय छोरा यज्ञराज चौलागाईंको सम्झनामा अक्षयकोष स्थापना गर्नु भएको हो । यज्ञराज चौलागाईंको २०५६ सालमा उपचार क्रममा रोग इन्सेफ्लाइटिसवाट १३ वर्षको उमेरमानै निधन भएको थियो ।

स्वर्गीय चौलागाईको परिवारले विद्यालयलाई तत्काल लागि आवश्यक पर्ने खाद्यान्नका सामग्री समेत सहयोग गरेको छ । यसैबीच विद्यालयका प्रधानाध्यापक गुणराज सुवेदीले करिव १५ हजार रुपैयॉ बराबरको कपडा विद्यार्थीहरूलाई व्यक्तिगत रुपमा वितरण गर्नु भएको छ ।
भीमेश्वर बहिरा प्राथमिक विद्यालय चरिकोट दोलखाको आयोजनामा भएको कार्यक्रम ईटालीका बहिरा पेट्रो सेमेराओलाई विद्यालयमा स्वागत गरिएको थियो । इटलीका पेट्रो समेराओले पनि बालबालिकालाई पोशाक वितरण गर्नुभयो ।
विद्यालय व्यवस्थापन समितिका अध्यक्ष रामकृष्ण तामाङको अध्यक्षतामा भएको कार्यक्रम ईटालीका बहिरा पेट्रो सेमेराओ पूर्णमाया चौलागाईं, विद्यालयका प्रधानाध्यापक गुणराज सुवेदीलाई र बहिरा सघ दोलखाका अध्यक्ष विष्णु कार्की लगायतले मन्तव्य व्यक्त गर्नु भएको थियो। हाल विद्यालयमा तीस जना बहिरा बिद्यार्थीहरु रहेका छन् ।