अखिल नेपाल महिला संघ गौरीशङ्कर गाउँपालिकाको अध्यक्षतामा कविता गुरुङ चयन हुनुभएको छ । गुरुङको अध्यक्षतामा १७ सदस्यीय अनेमसंघ गौरीशङ्र गाउँपालिका कमिटि गठन गरेको हो ।
अखिल नेपाल महिला संघ गौरीशङ्कर गाउँपालिकाको तेस्रो सम्मेलन तथा लैङ्गिक हिंसा विरुद्धको अभियानको सन्दर्भ पारेर गठन गरिएको कमिटिको उपाध्यक्षमा मसली तमाङ,सचिव छोमाइ तमाङ,सहसचिव लिला श्रेष्ठ र कोषाध्यक्षमा द्वारिका बुढाथोकी चयन हुनुभएको छ । कमिटिको सदस्यहरुमा छिलमु शेर्पा,उर्मिला शेर्पा,सरस्वती बस्नेत,बुधमाई तमाङ,मानकुमारी विक,विष्णु सेन्चुरी,आइतिमाया तमाङ,नरमाया तमाङ,तिरमाया तमाङ,सविना श्रेष्ठ,फुडोमा शेर्पा र वर्मे तमाङ रहनुभएको छ ।
अखिल नेपाल महिला संघ केन्द्रीय सदस्य एवंम नेकपा एमाले बागमती प्रदेश कमिटि सदस्य तथा दोलखा इन्चार्ज उर्मिला थामीको प्रमुख आतिथ्यता सम्पन्न कार्यक्रममा अखिल नेपाल महिला संघ दोलखाकी अध्यक्ष मेनुका सुवेदी,अनेमसंघ जिल्ला उपसचिव बिन्दु गुरुङ, पार्टी नेता प्रेम तमाङ,मानकुमारी सेन्चुरी लगायतले महिला हिंसा विरुद्धको १६ दिने अभियानका सन्दर्भमा कार्यक्रमलाई सम्बोधन गर्नुभएको थियो । अखिल नेपाल महिला संघ गौरीशङ्कर गाउँपालिकाका संयोजक छिरिङडोमा शेर्पाको अध्यक्षता कार्यक्रम सम्पन्न भएको हो ।