कालिञ्चोक मानेभटटेलीका कृषक व्यावसायिक भैसीँपालनबाट मासिक १ लाख बढी आम्दानी गर्न सफल भएका छन् ।
कालिञ्चोक ८ मानेभट्टेलीका कृषक बद्रीनाथ शिवाकोटी र कृष्ण प्रसाद शिवाकोटी व्यावसायिक भैँसीपालनबाट मासिक एक लाख बढी आम्दानी गर्न सफल हुनुभएको हो । । उन्नत जातका मुर्रा भैँसी पालेर दैनिक ४५ देखि ५० लिटरसम्म दूध बिक्री गर्छन् । कालिञ्चोक गाउँपालिका वडा नं ८ मानेभट्टेलीका ६७ वर्षीया वद्रीनाथ शिवाकोटी र कृष्ण प्रसाद शिवाकोटीले १० वटा मुर्रा जातका भैसी पालन व्यावसाय गरेका छन् । अहिले पाडापाडीसहित १६ भैंसी गोठमा रहेका छन् । चमत्कार कृषि भैसी फार्मको नाममा दर्ता गरेर गत साउन महिनाबाट व्यावसायिक भैसी पालन शुरु गरेको कृषक बद्रीनाथ शिवाकोटीले बताउनुभयो ।

उत्पादित दुध स्थानीय आनन्ददायक बहुउदेश्यीय सहकारी संस्था सुुुुुुुुनखानीले लिने गरेको छ । पैसा कमाउनका लागि विदेश चाहर्नेका लागि स्वदेशमा कृषि, पशुपालन तथा अन्य व्यवसायबाट मेहनतअनुसार आम्दानी हुन्छ भन्ने कुरामा उहाँहरु नमूना बन्नभएको छ । भैंसीपालन फर्ममा भैँसीको दूधसँगै मुर्रा जातका भैँसीका पाडापाडीसमेत उत्पादन भएका छन् । अहिले ९ भैसी दुहुना छन् भने आटवटा मुर्रा पाडापाडी रहेको शिवाकोटीले बताउनुभयो । ७ रोपनी जग्गामा भैंसीका लागि आवश्यकताअनुसार घाँस खेती गर्दै आएका शिवाकोटीकोे भैंसीपालन केन्द्र यतिबेला आकर्षणको केन्द्र बन्दै गएको छ ।
करिव २५ लाखको लगानीमा भैसी पालन व्यवसाय शुरु गरेको चमत्कार कृषि भैसी फार्मको लागि कालिञ्चोक गाउँपालिकाको कृषि अनुदान १० लाख रुपैयाँ रहेको छ ।
सिञ्चाईँको अभावका कारण तरकारी खेती गर्न नसकेको कृषक शिवाकोटीले गुनासो गर्नुभयो । “जग्गा जमीन प्रसस्त छ,गोलभेडा,काउली,बन्दा खेतीको तयारी गरेका थियौं,सिञ्चाईँको अभावले मल नै प्रयोग गर्न पाइएन् । कृषक शिवाकोटीले गुनासो गर्नुभयो ।
गाउँपालिकाले सहयोग गरेकै कारण व्यवसायिक भैसीँपालनका लागि आँट आयो – उहाँले भन्न्भयो । गाउँपालिकाकै सहयोगको कारण कालिञ्चोक गाउँपालिकामा कृषकहरु पशुपालन व्यवसायमा संलग्न रहेका छन् ।
नेपाली अल्छी भयौ,ं हाम्रै गाउँमा प्रसस्त सम्भावना छ,युवा जनशक्ति कृषिमा लाग्न उहाँको अनुरोध छ ।