बुढाभीमसेन माध्यमिक विद्यालय धरमघर दोलखामा विद्यालय पोशाक तथा स्टेशनरी सामग्री सहयोग गरिएको छ । भीमेश्वर नगरपालिका वडा नं ५ रहेको बुढाभीमसेन माध्यमिक विद्यालयका १ सय ११ जना बालबालिकालाई पोशाक तथा स्टेशनरी वितरण गरिएको हो ।
वाइज इन्टरनेशनल नेपाल प्रालि काठमाण्डौको १५ औं वार्षिक उत्सवको उपलक्ष्यमा सामुदाियक कार्य अन्तरगत विद्यार्थीलाई विद्यालय पोशाक र ट्रयाकसुट वितरण गरिएको विद्यालयका प्रधानाध्यापक राजन कार्कीले बताउनुभयो ।
बुढाभीमसेन माध्यमिक विद्यालयका पूर्व विद्यार्थीसमेत रहनुभएका वाइज इन्टरनेशनल नेपाल प्रालिका प्रबन्ध निर्देशक सुरज कुुँवरको पहल तथा समन्वयमा उक्त सामग्री सहयोग प्राप्त भएको हो ।

मंगरलबार विद्यालयमा एक कार्यक्रमको आयोजना गरी सहयोग हस्तान्तरण गरिएको थियो । वाइज इन्टरनेशनल नेपाल प्रालिका सञ्चालक सविता राणाले उक्त सामग्री हस्तान्तरण गर्नु भएको हो ।

भीमेश्वर नगरपालिका वडा नं ५ का वडाध्यक्ष बासु श्रेष्ठको प्रमुख आतिथ्यतामा सम्पन्न कार्यक्रममा वाइज इन्टरनेशनल नेपाल प्रालिका प्रबन्ध निर्देशक सुरज कुँवर,विद्यालयका पूर्व अध्यक्ष बालकृष्ण कुवँर,विद्यालयका प्रधानाध्यापक राजन कार्की र विद्यार्थी अभिषेक कुमार धनुुकेले शुभकामना मन्तव्य व्यक्त गर्नु भएको थियो ।
विद्यालय व्यवस्थापन समितिका अध्यक्ष सुमन थापाको अध्यक्षतामा कार्यक्रम सम्पन्न भएको हो । कार्यक्रममा विद्यालय व्यवस्थापन समिति,शिक्षक अभिभावक संघका पदाधिकारी,अभिभावक,शिक्षक विद्यार्थीको सहभागिता रहेको थियो । कार्यक्रमको अवसरमा विद्यालयको तर्फबाट वाइज इन्टरनेशनल नेपाल र संस्थाका प्रबन्ध निर्देशक सुरज कुुँवरलाई प्रंससा पत्र प्रदान गरिएको छ ।

विद्यालयमा ६५ प्रतिशत दलित समूदायका बालबालिका रहेका छन् भने बाँकी अन्य समूूदायका रहेका छन् ।