दोलखा सदरमुकाम चरिकोटमा साङ्गीतिक गजल साँझको आयोजना हुने भएको छ । बृहत दोलखा महोत्सवको अवसर पारेर दोलखा उद्योग वाणिज्य संघको आयोजना तथा भानुविद्यापति साहित्य प्रतिष्ठान दोलखाको संयोजनमा महोत्सवको दोस्रो दिन गजल साँझको आयोजना गर्न लागेको हो ।
कार्यक्रममा चर्चित गजलकारहरु भविन ढुङ्गना,डा.प्रदिप कुमार मैनाली,लालकाजी श्रेष्ठ ,जीत कार्की लगायत स्थानीय गजलकारहरुको समेत साङ्गीतिक गजल प्रस्तुति रहने दोलखा संस्कृति प्रतिष्ठानका अध्यक्ष शङ्करलाल श्रेष्ठले बताउनुभयो ।
पुष १३ गतेबाट महोत्सव शुरु हुने छ भने दोस्रो दिन १४ गते दिउँसो ४ बजेबाट चरिकोटको सातदोबाटो चोकमा साङ्गितिक साँझ हुने छ । करिब ३ घण्टा सञ्चालन गरिने गजल साँझमा जिल्लाका कला,साहित्यका पारखी,कवि,गजलकार तथा सम्पूर्ण साहित्यकार लगायत उद्योग वाणिज्य संघ,उद्यमी,व्यापारी,आगन्तुक पाहुनासहित स्थानीयको बाक्लो उपस्थिति रहने आयोजकले अपेक्षा गरेको छ ।

“दोलखा महोत्सवको दिब्य दृष्टि, आर्थिक क्रान्तिको नयाँ सृष्टी” नारासहित पुष १३ गते देखि पुष २२ सम्म सञ्चालन हुने छ । प्रधानमन्त्री पुष्पकमल दहालले महोत्सवको उद्घाटन गर्ने कार्यक्रम तय भएको छ ।