दोलखा जिल्ला बचत तथा ऋण सहकारीको अध्यक्षमा पुनः भुमिराज खड्का सर्वसम्मत निर्वाचित हुनुभएको छ ।
दोलखा सदरमुकाम चरिकोटमा आज सम्पन्न सहकारी संघको २५ औं साधारण सभाबाट भूमीराज खड्काको अध्यक्षतामा १७ सदस्यीय सञ्चालक समिति सर्वसम्मत चयन गरेको हो । सञ्चालक समितिको वरिष्ठ उपाध्यक्षमा जगत सुवेदी,उपाध्यक्ष नारायण बहादुर श्रेष्ठ,महासचिव तेन्जिङ शेर्पा,सचिव सर्मिला सापकोटा र कोषाध्यक्षमा पर्शुराम कार्की सर्वसम्मत निर्वाचित भएका छन् ।
जिल्ला बचत तथा ऋण सहकारी दोलखाको सदस्यहरुमा ध्रुव सापकोटा,डम्बर बहादुर खड्का,गणेश बहादुर बस्नेत,भानुदेवी नेपाली,मिङ्माछिरी शेर्पा,मिना जिरेल,मन्दिरा लामिछाने,डम्बर बहादुर आचार्य,सिताराम दहाल,मेघराज केसी,लक्ष्मी दहाल रहेका छन् ।
संघको साधारण सभाले गोपालध्वज श्रेष्ठको संयोजकत्वमा ३ सदस्यीय लेखा सुपरिवेक्षण समिति सर्वसम्मत निर्वाचित गरेको छ । सदस्यमा कृष्ण कुमार श्रेष्ठ र कालिका वलि निर्वाचित भएका छन् ।
सहकारीको साधारण सभाको अवसरमा नेपाल पत्रकार महासंघ दोलखा शाखाकी उपाध्यक्ष, एवमँ हाम्रो रेडियो १०३ थोप्लो ४ मेगाहर्जको समाचार तथा कार्यक्रम प्रमुख सिर्जना थापा ‘पशुपति स्मृति सहकारीता पुरस्कार’ वाट पुरस्कृत हुनुभएको छ ।