दोलखाको कालिञ्चोक ८ सुनखानी स्थित सुनपधेँलीमा महान सत्संग कार्यक्रम आयोजना गरिएको छ । नेपाल मानव धर्म सेवा समिति अन्तगरगतका स्थानीय भक्तजनको संयोजनमा पितृ उद्दार र शान्ति स्थापनाका लागि कार्यक्रमको आयोजना गरिएको अभियन्ता गौतम शिवाकोटीले बताउनुभयो ।

ऐतिहासिक एवम धार्मिक स्थल सुनपधेँलीमा आयोजना गरिएको महान सत्संघ कार्यक्रममा वडा नं ८ का वडाध्यक्ष बालकृष्ण आचार्य,नेपाल मानव धर्म चरिकोट शाखाका पदाधिकारी,दोलखाका विभिन्न भेग र भूगोलकाभक्तजनहरुको बाक्लो उपस्थिति रहेको थियो । मानव धर्म सेवा समिति चरिकोट शाखाका प्रमुख विणा वाइजी र मानवी वाइजीले सत्संग प्रवचन दिनुभएको थियो भने विभिन्न भजन कृतनसमेत गरिएको थियो ।

ऐतिहासिक तथ्य तथा स्थानीयको भनाई अनुसार वि.स.१८४० तिर शिवाकोटीहरुका पूर्खा गोवर्धन र महेश्वर नामका शिवाकोटीले चौघरा भवन निर्माण गरेसंगै सुनपधेँली पनि अस्तित्वमा रहेको थियो । स्थानीय जानकारका अनुसार शिवाकोटीहरुका पूर्खाले विहानको नित्यकर्म गर्ने समयमा नाग आएर सुन दिने गरेको किंवदन्ती रहेको छ । शिवाकोटीहरुले कुल मान्न्ने गरेका नागले सुन दिने किंवदन्तीअनुसार यस स्थानको नाम सुन पधेँली रहन गएको हो ।