माघ १५

सामुदायिक मेलमिलाप कर्ता समाज नेपालको दोलखाको अध्यक्षमा ताराबहादुर महत चयन हुनुभएको छ । समाजको उपाध्यक्षमा अनिता श्रेष्ठ, सचिवमा चुडा बहादुर श्रेष्ठ, सहसचिवमा जय प्रसाद शिवाकोटी, कोषाध्यक्षमा रामशरण ओली, सदस्यहरुमा रामभक्त दाहाल, राम कुमार जोशी, दुर्गा गुरुङ, विमला ठकुरी रहनु भएको हो ।

सामुदायिक मेलमिलापकर्ता समाज नेपाल जिल्ला शाखा दोलखाको तेस्रो जिल्ला अधिबेशन तथा सामुदायिक मेलमिलापकर्ता विच सिकाई एवम अनुभव आदान प्रदान कार्यक्रमको अवसरमा पारेर समिति गठन गरिएको हो । कार्यक्रममा प्रमुख अतिथि एवम भीमेश्वर नगरपालिका उपमेयर कमला बस्नेतको प्रमुख आतिथ्यतामा सम्पन्न कार्यक्रममा
सामुदायिक मेलमिलापकर्ता समाज नेपाल जिल्ला शाखा दोलखाका कार्यवाहक अध्यक्ष तारा बहादुर महतको अध्यक्षतामा भएको कार्यक्रममा संस्थाका कोषाध्यक्ष चुडा बहादुर श्रेष्ठले आर्थिक र वार्षिक प्रतिवेदन प्रस्तुत गर्नु भएको थियो । सामुदायिक मेलमिलापकर्ता समाज नेपालका केन्द्रिय सदस्य तथा भीमेश्वर नगरपालिका वडा नम्बर दुईका वडा अध्यक्ष स्टालिन श्रेष्ठ, भीमेश्वर नगरपालिकाका बरिष्ठ सामाजिक विकास अधिकृत नारायण प्रसाद सेढाई लगायतले कार्यक्रममा सहजीकरणसंगै शुभकामना व्यक्त गर्नु भएको थियो ।