नेकपा एमाले दोलखाको निर्वाचित कमिटिको सपथ ग्रहण कार्यक्रम सम्पन्न भएको छ । नेकपा एमाले दोलखाको माघ २२ गते देखि २५ गते सम्म भएको १० औँ जिल्ला अधिवेशनबाट निर्वाचित नयाँ ९० जनाको कमिटिलाई सपथ ग्रहण गराइएको हो । नव निर्वाचित पार्टीका अध्यक्ष नर बहादुर श्रेष्ठ,उपाध्यक्ष राजेन्द्र मानन्धर,सचिव सोयम बहादुर खड्का र उपसचिवहरु कमला बस्नेत र हरि ओली सहित ९० जनालाई अधिवेशनका प्रमुख निर्वाचन अधिकृत शङ्करलाल श्रेष्ठले शपथ ग्रहण गराउनु भएको थियो । शपथ ग्रहण कार्यक्रममा नेकपा एमालेका पोलिटव्युरो सदस्य एंव दोलखाका ईञ्चाज कमलप्रसाद चौलागाई,पार्टीका केन्द्रिय सदस्य सरस्वती बस्नेत र नयाँ निर्वाचित पार्टी अध्यक्ष नर बहादुर श्रेष्ठ लगायतले मन्तव्य व्यक्त गर्नुभएको थियो ।
नेकपा एमाले दोलखाको १०औँ जिल्ला अधिवेशनबाट प्रतिस्पर्धी ईश्वरचन्द्र पोखरेललाई ९५ मतान्तरले पछि पार्दै नर बहादुर श्रेष्ठ अध्यक्ष पदमा निर्वाचित हुनुभएको हो । विजयी श्रेष्ठले ३३३ मत पाउँदा उहाँका प्रतिस्पर्धीहरू पोखरेलले २३८ र भरत दुलालले ३८ मत पाउनुभएको थियो ।
एमाले दोलखाको उपाध्यक्षमा ३३६ मत ल्याएर राजेन्द्र मानन्धर विजयी हुनुभएको छ भने उपाध्यक्ष पदका अर्का उम्मेदवार हिरा थोकरलाई ७३ मतान्तरले पराजित गर्दै मानन्धर विजयी हुनु भएको हो । थोकरले २६३ मत पाउनुभएको थियो ।
यस्तै, सचिव पदमा स्वयमबहादुर खड्का विजयी हुनु भएको छ भने खड्काले ३ सय ४ मत पाउँदा प्रतिस्पर्धी उपाध्यक्षका उम्मेदवार कृष्ण बस्नेतले २ सय ८४ मत पाउनुभएको थियो ।
यसैबीच उपसचिव पदमा खुला पुरुषतर्फ हरि ओली र महिला उपसचिवमा कमला बस्नेत निर्वाचित हुनुभएको छ । नेकपा एमाले दोलखाको जिल्ला कमिटि ९० जना निर्वाचित भएका छन् ।

अन्तिम मत परिणाम यहाँ हेर्न सक्नुहुने छ ।

CamScanner-02-08-2024-23.54