नेपाल रेडक्रस सोसाइटी दोलखा जिल्ला शाखाको आयोजनामा हाजिरी जवाफ प्रतियोगिता सम्पन्न भएको छ । नेपाल रेडक्रस सोसाइटी जफे, सहरे र च्यामा उपशाखाको समन्वयमा तामाकोसी गाउँपालिकाका माध्यमिक विद्यालय स्तरीय हाजिरी जवाफ प्रतियोगिता सम्पन्न भएको हो ।
तामाकोसी गाउँपालिका वडा नं ३ को चनौटे आधारभूत विद्यालयमा सम्पन्न प्रतियोगितामा गोल्मेश्वर मावि मालु प्रथम, कालापानी मावि जफे द्वितीय, महेन्द्र मावि च्यामा तृतीय र सीतापाइला मावि जफे सान्त्वना भएका हुन् । ।
सहरे उपशाखाका सभापति नरहरि सुवेदीको अध्यक्षतामा भएको कार्यक्रममा प्रमुख अतिथि तामाकासी गाउँपालिकाका अध्यक्ष केसीले विद्यार्थीहरुलाई पुरस्कार प्रदान गर्दै आयोजक रेडक्रस जिल्ला शाखा र उपशाखाहरुलाई धन्यवाद दिनुभएको थियो । प्रतियोगिताले विद्यार्थीहरुमा प्रतिस्पर्धी भावनाको विकास संगै विद्यार्थीहरुलाई सिकाइप्रति जागरुक बनाउने विश्वास व्यक्त गर्नुभयो ।
कार्यक्रममा नेपाल रेडक्रस सोसाइटी दोलखा, नेपाल रेडक्रस सोसाइटी जफे, सहरे र च्यामा उपशाखाका प्रमुख एवम प्रतिनिधि,सहभागी विद्यालयका शिक्षक,अभिभावक लगायतको उपस्थिति रहेको थियो ।

कार्यक्रममा तामाकोशी गाउँपालिका भित्रका ९ विद्यालयको सहभागिता रहेको थियो ।