नीता राउत फाउन्डेसनले दोलखा जिल्लाका दुई आधारभुत विद्यालयका विपन्न विद्यार्थीहरुलाई स्कुल व्याग र स्टेशनरी सहयोग गरेको छ ।

दोलखाको भिमेश्वर नगरपालिकाका वडा नम्बर ७ मा रहेको साखिने र भिमेश्वर नगरपालिका १ मा रहेको सुन्द्रावती आधारभुत विद्यालयका १ सय ६ जना बालबालिकालाई फाउन्डेसनले सहयोग गरेको हो । साखिनेका १देखी ७ कक्षा सम्म अध्ययन गर्ने ३६ जना र सुन्द्रावतीका बालबिकास देखी ५ कक्षासम्म अध्ययन गर्ने ७० जना विपन्न बालबालिकाहरुलाई फाउन्डेसनले सहयोग गरेको फाउन्डेसन संस्थापक नीता राउतले जानकारी दिनुभयो ।

आफ्नो पारिश्रमिकबाट रकम छुट्टाएर फाउन्डेसनकी संस्थापक राउतले बर्सेनि देशका विभिन्न जिल्लाका विद्यालयमा सहयोग गर्दै आउनुभएको छ । विद्यार्थीहरु सहयोग हस्तान्तरण गर्ने कार्यक्रममा बोल्नुहुदै वडा नम्बर ७ का वडाध्यक्ष बिनोद तामाङ्ग मोक्तानले आफ्नो पारिश्रमिकबाट रकम खर्चिएर बालबालिकाहरुलाई सहयोग प्रती आभार व्यक्त गर्नुभयो।

सामुदायिक विद्यालयका विपन्न विद्यार्थीहरुका लागि गरिने यस किसिमको सहयोगले उनीहरुमा पढ्नुपर्छ भन्ने हौसला र उत्प्रेरणा मिलेको अध्यक्ष तमाङले बताउनुभयो । दोलखा जिल्लामा दर्ता भई सामाजिक सेवा गर्दै आईरहेको फाउन्डेसनले भुकम्प , कोभिड (१९ जस्ता महामारीका बेला सामाजिक उत्तरदायी बहन गर्दै सहयोग गरेको थियो । विकट डोल्पा , जुम्ला , रुकुम लगायतका जिल्लामा बर्षेनी विपन्न वालबालिकालाई स्कुल ड्रेस , शैक्षिक सामाग्रीहरु सहयोग गर्दै आईरहेकी फाउन्डेसन संस्थापक राउत आफ्नो सानो सहयोगले बालबालिकाको उज्ज्वल भविष्यका लागी केही न केही टेवा पुग्ने विश्वास लिएर निरन्तर लागी रहेको बताउनुभयो ।