कालिञ्चोक गाउँपालिका दोलखाको मिलघुम्तीमा आजबाट हाट बजार शुुरु भएको छ । गाउँपालिकाको वडा नं ८ मा रहेको मिलघुम्तीमा आज एक कार्यक्रमका बीच गाउँपालिका अध्यक्ष अर्जुन प्रसाद शिवाकोटीले उद्घाटन गर्नुुुुुुुुुुु भएको हो ।
कार्यक्रमलाई सम्बोधन गर्दै पालिका अध्यक्ष शिवाकोटीले कृषकहरुको आर्थिक वृद्धि गर्नका लागि रकमको अभाव नहुने वताउनुभयो । कृषि उपज व्यापार केन्द्र (हाटबजारको उद्घाटन कार्यक्रममा बोल्नुहुदैँ शिवाकोटीले कृषकहरुको आर्थिक वृद्धिका लागि रकम अभाव नहुने वताउनु भएको हो ।

शिवाकोटीले कृषकहरुले उत्पादन गरेको कृषी सामग्रीहरुको प्रवद्र्धनका लागि समेत पालिकाले काम गर्ने प्रतिवद्धता व्यक्त गर्नुभएको छ । हाम्रो साना किसान कृषि सहकारी संस्थाको समन्वय, कालिञ्चोक गाउँपालिका र वडा नम्वरको ८ को सहकार्यमा सुनखानीको मिलघुम्तीमा हाटबजार सञ्चालन गरिएको हो ।
कृषकहरुको जीवीकोपार्जनमा टेवा पु¥याउने उद्धेश्यले सुरु गरिएको हाट बजार प्रत्येक महिनाको १० र २५ गते सञ्चालन हुने सहकारी संस्थाका अध्यक्ष होमप्रसाद पाठकले जानकारी दिनुभयो । उहाँका अनुसार हाटबजारमा तरकारी, फलफुल, मसला, अन्नपात, दुग्धजन्य पदार्थ, अचार, विभिन्न प्रकारका गेडागुडी, दाल, कृषि सामाग्री,मासुजन्य पदार्थ, बिउबिजन, बिरुवाहरु, डोकोडालो, खुकुरी, हसियाँ समेत विक्रीका लागि राखिएका थिए ।
हाटबजार केन्द्रका संयोजक नन्दराज शिवाकोटीका अनुुुसार पहिलो हाटमा २ लाख ५० हजार बराबरको कारोबार भएको छ । हाटबजार सञ्चालनमा आएसंगै कृषकहरु निक्कै उत्साहित भएका छन् ।

कालिञ्चोक गाउँपालिका वडा नम्वर ८ का वडा अध्यक्ष सुर्य बहादुर आर्चायको अध्यक्षतामा भएको कार्यक्रममा गाउँपालिकाका उपाध्यक्ष कुल बहादुर बुढाथोकी, प्रमुख प्रशासकीय अधिकृत नवराज ओली, राष्टिय स्वतन्त्र पार्टीका जगदीश खरेल, वडाअध्यक्षहरु राम पाण्डे, भरत पाण्डे, पदम थामी, सहदेव खडका,जिल्ला सहकारी संघका देवी प्रसाद शर्मा, नेपाल पत्रकार महासंघका अध्यक्ष दीपशंकर चौलागाई, नेपाल कृषि सहकारी केन्द्रीय संघका सौरव थापा, हुराडेक नेपालका सुन्दर लामिछाने, ग्रामीण विकास टुकिसंघका पुरुषार्थ श्रेष्ठ, स्थानीय सहकारीका तर्फवाट संग्रामबहादुर आचार्यले हाट बजारको सम्भावना र प्रभावकारीताका विषयमा धारणा व्यक्त गर्नुभएको थियो ।