नेपाल राष्ट्रिय शिक्षक संगठन दोलखाले अगुवा शिक्षक नेताबीच March to local level -2024 कार्यशाला सम्पन्न गरेको छ । सङ्गठन सुदृढीकरण र शुद्धीकरण गर्दै स्थानीय तहसम्म सशक्त सङ्गठन निर्माण गर्ने र गुणस्तरीय सिकाइ अभिवृद्धि गर्नेँ उद्देश्यले कार्यक्रमको आयोजना गरिएको नेपाल राष्ट्रिय शिक्षक संगठन दोलखाका अध्यक्ष सञ्जय खड्काले बताउनुभयो ।

नेपाल राष्ट्रिय शिक्षक सङ्गठन राष्ट्रिय समितिको निर्णयानुसार जिल्ला समिति दोलखाद्वारा अगुवा शिक्षक नेताहरूबिच March to local level -2024 सम्पन्न भएको हो । नेपाल राष्ट्रिय शिक्षक संगठन केन्द्रीय उपाध्यक्ष एवम वागमती प्रदेश इन्चार्ज शङ्करलाल श्रेष्ठको प्रमुख आतिथ्यतामा सम्पन्न कार्यक्रममा नेपाल सरकारका पूर्व सञ्चार मन्त्री पार्वत गुरुङ,नेपाल शिक्षक महासंघ दोलखा अध्यक्ष पदम बहादुर जिरेल, नेपाल राष्ट्रिय शिक्षक संगठन दोलखाका अध्यक्ष सञ्जय खड्का, नेपाल राष्ट्रिय शिक्षक संगठन उपाध्यक्ष विमला दुलाल लगायतले कार्यक्रमलाई सम्बोधन गर्नुभएको थियो।

संगठन सुदृढीकरण र शैक्षिक गुणस्तर अभिवृद्धि गर्ने शिक्षक संगठनको अभियान जिल्लापछि स्थानीय तह हँदै विद्यालयसम्म सञ्चालन गर्ने जनाइएको छ ।

कार्यक्रममा जिल्ला तहका अगुवा शिक्षक नेताहरुको उपस्थिति रहेको थियो । दोलखामा नेपाल राष्ट्रिय शिक्षक संगठनमा १३ सय शिक्षक आवद्ध रहेका छन् । जिल्लाभर २१ सय ७० शिक्षक रहेका छन् ।