आयुर्वेदिक उपचारतर्फ आकर्षित गराउन बाग्मती प्रदेश सरकारले विभिन्न योजनाका साथ दोलखामा स्वास्थ्य सेवा प्रवाह गरेको छ ।
प्राकृतिक पद्धतीबाट उपचार गरी सेवा प्रवाह गर्न बागमती प्रदेश सरकारबाट प्राप्त १ करोड बजेटबाट विभिन्न कार्यक्रम सञ्चालन गदै आएको आयुर्वेद स्वास्थ्य केन्द्रका प्रमुख डा.मनोज कुमार चौधरीले बताउनुभयो ।
थप सेवा सुविधा सहितको योजनाका साथ स्वास्थ्य उपचार गर्न थालेपछि उपचार गर्न आउने बिरामीको सङख्या दैनिक रुपमा बढदै गएको छ ।
बाग्मती प्रदेश सरकारले जिल्लामा २३ थरी औषधी ५ प्रतिशत छुटमा सशुल्कमा प्रदान गदै आएको छ ।
प्रदेशबाट पठाइएको औषधी अभाव भएमा खरिद गर्न यस आर्थिक वर्षमा ५ लाख बजेट पठाएको डा. चौधरीको भनाई छ ।
अन्य स्वास्थ्य संस्थामा उपचार गराउदा ठीक नभएपछि आयुर्वेदिक पद्धतीबाट उपचार गराउन आउने बिरामी दैनिक ४०देखी ४५ जना हुने गरेका छन ।
त्यस्तै स्वास्थ्य केन्द्रले पालिका स्तरमा विभिन्न कार्यक्रम पनि सञ्चालन गरेको छ । यस आर्थिक वर्षको हालसम्म महिला स्वयंसेविकालाई सचेतना कार्यक्रम, भान्साघर औषधालय कार्यक्रम, प्रदुषणबाट उत्पन्न स्वास्थ्य समस्या न्युनिकरण गर्न ट्राफिक प्रहरीलाई सचेतना कार्यक्र सम्पन्न गरेको स्वास्थ्य केन्द्रले जनाएको छ ।
त्यसैगरी मुख्यमन्त्री जनता स्वास्थ्य कार्यक्रम, मेला महोत्सवमा आयुर्वेदिक जडिबुटी प्रदर्शनीको कार्यक्रम सम्पन्न गरेको हो ।
स्वास्थ्य केन्द्रले पुर्ण कर्म सेवा, अकुपञ्चर सेवा, अग्नि कर्म सेवालाई थप विस्तार गदै आएपछि सेवा लिन आउने सङख्या बढेको स्वास्थ्य केन्द्रले जनाएको छ ।