लोकतन्त्र दिवसको अवसरमा रक्तदान कार्यक्रम

11 हप्ता अगाडि | समदृष्टि अनलाइन संवाददाता

दीपज्योति समाज सुधार संस्था र दीपज्योति वचत तथा ऋण सहकारी संस्था सुन्द्रावतीको आयोजनामा कालिञ्चोकको सुन्द्रावतीमा रक्तदान कार्यक्रमको आयोजना गरिएको छ । लोकतन्त्र दिवसको अवसरमा आयोजना गरिएको रक्तदान कार्यक्रममा १ महिलासहित १४ जनाले रक्तदान गरेको दीपज्योति समाज सुधार संस्थाका अध्यक्ष केशव प्रसाद सेढाईँले बताउनुभयो ।
कार्यक्रममा नेपाल रेडक्रश सोसाइटीका अध्यक्ष इश्वरी प्रसाद दहाल र कालिञ्चोक गाउँपालिका स्वास्थ्य शाखा संयोजक धिरेन्द्र चौधरीले रक्तदातलाई ब्लड ब्याग हस्तान्तरण गरी संयुक्त उद्घाटन गर्नुभएको थियो ।
नेपाल रेडक्रश सोसाइटी जिल्ला शाखा दोलखाको प्राविधिक सहयोगमा कालिञ्चोक गाउँपालिका वडा नं ९ सुन्द्रवतीमा सम्पन्न भएको हो । कार्यक्रममा दीपज्योति समाज सुधार संस्था र दीपज्योति वचत तथा ऋण सहकारी संस्था सुन्द्रावती,नेपाल रेडक्रस सोसाइटीका प्रतिनिधि र स्थानीयको सहभागिता रहेको थियो ।