दोलखाको सुुनखानीमा शिवाकोटी समाज नेपालको प्रथम जिल्ला भेला कार्यक्रम आयोजना गर्न लागेको छ । शिवाकोटीहरुको पूख्यौली थलो दोलखाको सुनखानीमा रहेको ऐतिहासिक चौघरा दरबारमा यही बैशाख १५ गतेको प्रथम जिल्ला भेला कार्यक्रम आयोजना गर्न लागिएको शिवाकोटी समाज नेपालले जनाएको छ ।
दोलखा रामेछाप जिल्ला संयोजन समिति,शिवाकोटी समाज नेपालको आयोजनामा सञ्चालन गरिने कार्यक्रममा दोलखा र रामेछापका शिवाकोटीहरुको भेलासहित प्रथम जिल्ला भेला गर्न लागेको हो । कार्यक्रमको अवशर पारेर शिवाकोटी समूदायका साथै कालिञ्चोक गाउँपालिका ७ र ८ का सबै जाति तथा समूदायका जेष्ठनागरिकको सम्मान कार्यक्रम समेत तय गरिएको आयोजकले जनाएको छ ।
जेष्ठनागरिकका मौलिक भजनकृतनसहित कार्यक्रमको आयोजना गर्न लागिएको कार्यक्रममा ६ सय बढी शिवाकोटीको उपस्थिति रहने शिवाकोटी समाज नेपालका केन्द्रीय उपाध्यक्ष रामकाजी शिवाकोटीको भनाइ छ । उहाँका अनुुसार ६० जनाभन्दा बढी जेष्ठ नागरिकको सम्मानको तयारी भएको छ । भेलाले शिवाकोटी समाज नेपाल दोलखाको पूर्ण समिति निर्माण हुुने छ ।