प्रत्येक वर्ष कृष्णपक्षदेखी नौ दिनसम्म मनाइने रातो मच्छिन्द्र नाथको रथ तान्ने जात्रा ऐतिहासिक दोलखा बजारमा आजबाट सुरु भएको छ ।
डोकुलुङगामा रहेको रातो मच्छिन्द्रलाई पुर्णिमाको दिन दुधले नुहाएर पिङगल टोलमा मुर्तिलाई बाजागाजा सहित रथारोहण गरिएपछि रथ तान्न सुरु गरिएको हो ।
मल्लकालिन सभ्यताको रुपमा तत्कालिन मल्ल राजा जयदेवले सुरु गरेको यो जात्राले रोग व्याधी नलागोस ,देशमा खडेरी नपरोस,अनिकाल नपरोस, देश र जनतालाई कुनै विपत्ती नपरोस भन्ने कामना सहित लोकेश्वर करुणामयको आराधना स्वरुप रथलाई एक सातासम्म सहरको विभिन्न भागको परिक्रममा गराउने प्रचलन रहेको छ ।
रथलाई नकछेटोल, कोर्छेटोल ,टसिचा, माथिल्लो टोल, ढुङगल,पिङगल, नकछें टोल हुदै आठौ दिन डोकुलुङगा टोलको मच्छिन्द्रनाथको मन्दिरमा पु¥याईजात्रा समापन गरिने स्थानीय बासीको भनाई छ।
विस सम्वत १५७५ देखी राजा नन्ददेवले सुरु गरेको जात्रा अहिले भने स्थानीय कालिञ्चोक युवा क्लबले निरन्तरता दिदै आएको छ ।