सर्व माध्यमिक विद्यालय जिलु दोलखाको ६२ औँ वार्षिक उत्सव तथा नव निर्माण सम्पन्न भवन प्रवेश कार्यक्रम सम्पन्न भएको छ । भीमेश्वर नगरपालिका वडा नं ४ मा चिनिँया सरकारको सहयोगमा निर्माण सम्पन्न भवन प्रवेश र वार्षिक दिवस कार्यक्रम एकसाथ सम्पन्न भएको हो ।
भीमेश्वर नगरपालिका नगर प्रमुख ईश्वर नारायण मानन्धरको प्रमुख आतिथ्यमा भएको कार्यक्रममा शिक्षा विकास तथा समन्वय इकाइ दोलखाका प्रमुख शङ्करबाबु श्रेष्ठ,वडाध्यक्ष तारानाथ चौलागाईँ,पूर्व वडाध्यक्ष हरिवंश चौलागाईँ,जिल्ला समन्वय समिति दोलखा सदस्य मेनुका चौलागाईँ लगायतले शुभकामना मन्तव्य व्यक्त गर्नुभएको थियो ।

सर्व माध्यमिक विद्यालय व्यवस्थापन समिति अध्यक्ष केशवराज चौलागाईँको अध्यक्षतामा सम्पन्न कार्यक्रममा विद्यालयका प्रधानाध्यापक विश्वमणि चौलागाईँले विद्यालयको वार्षिक प्रगति प्रतिवेदन प्रस्तुत गर्नुभएको थियो । कार्यक्रमको अवशर पारेर श्याम कुमार मैनाली र राधिका दहाल उत्कृष्ट शिक्षक सम्मानबाट सम्मानित हुनुभएको छ भने किसान श्रेष्ठ र कुमार श्रेष्ठ उत्कृष्ट अभिभावक सम्मानबाट सम्मानित हुनुभएको छ
चिनिया सरकारको सहयोगमा निर्मित ५६ कोठे सुविधासम्पन्न भवनमा बुधबारदेखि पठनपाठन सुचारु हुने विद्यालयका शिक्षक सूर्य चौलागाईँले बताउनुभयो ।