दोलखा ।
भीमेश्वर नगरपालिका दोलखाले सन्तान वृद्धिका लागि नीति तथा कार्यक्रम सार्वजनिक गरेको छ । नगरको आर्थिक वर्ष २०८१÷८२ को नीति तथा कार्यक्रममा सन्तान वृद्धिलाई समावेश गरेको हो ।
नगरपालिकाको पाँचौ नगरसभामा उपप्रमुख कमला बस्नेतले नगरमा जनसङ्ख्याको दर घट्दै गएको भन्दै आगामी आर्थिक वर्षदेखि तेस्रो सन्तान भीमेश्वरको वरदान उज्यालो भविष्य कार्यक्रम ल्याउने नीति तथा कार्यक्रम सार्वजनिक गर्नुभएको हो ।
कार्यक्रम लागू भएपछि भीमेश्वर नगरबासीले तेस्रो सन्तान जन्माएवापत १० हजार रुपैँया प्राप्त गर्ने उल्लेख गरिएको छ । पछिल्लो समय जन्मदर घट्दै गएका कारण सामूदायिक विद्यालयमा समेत विद्यार्थीको दर कम भएपछि जनसङ्ख्या बृद्धिका लागि यस्तो कार्यक्रम ल्याउन लागेको उपप्रमुख बस्नेतको भनाइ छ ।
भीमेश्वर नगरपालिकाले आगामी वर्षको लागि रोजगारी र्सिजना सहित आर्थिक वृद्धिको लागि पहिलो प्राथमिकता राख्दै बजेट विनियोजन गरेको छ । यस्तै पर्यटन, कृषि, उर्जा, सुचना प्रविधि तथा पुर्वाधार निमार्ण, शिक्षा, स्वास्थ्य लगायत सामाजिक विकास, समावेशिता र सामाजिक क्षेत्रको विकाससहित शुसासन प्रबद्र्धन तथा सार्वजनिक सेवा प्रवाहमा सुधार गर्ने गरी बजेट विनियोजन गरेको उपप्रमुख बस्नेतले बताउनु भयो ।
भीमेश्वर नगरपालिकाले आगामी आर्थिक वर्ष २०८१÷८२ को लागि ८८ करोड बढीको बजेट नगर सभामा प्रस्तुत गरेको छ । बजेटमा चालु तर्फ ५१ करोड ७४ लाख ७९ हजार अर्थात ५८ दशमलब ७४ प्रतिशत रकम विनियोजन गरिएको छ । यस्तै पुँजीगत तर्फ ३६ करोड ५ लाख ५ हजार अर्थात ४० दशमलब ९१ प्रतिशत रहेको छ