परोपकार महिला बचत तथा ऋण सहकारी संस्थाको १४ औं स्थापना दिवसको अवसरमा सदरमुकाम चरिकोटमा खुला रक्तदान कार्यक्रम आयोजना गरिएको छ । नेपाल रेडक्रस सोसाईटी दोलखा शाखाको प्राविधिक सहयोगमा आज सदरमुकाम चरिकोटको सातदोबाटोमा खुल्ला रक्तदान कार्यक्रम आयोजना गरिएको हो ।
वागमती प्रोस्कुनका महासचिव जीवसराज खड्काको प्रमुख आतिथ्यतामा सम्पन्न रक्तदान कार्यक्रममा १९ जनाले रक्तदान गरेको संस्थाकी अध्यक्ष शर्मिला सापकोटाले बताउनुभयो ।
रक्तदान कार्यक्रममा वागमती प्रदेश बचत तथा ऋण सहकारी संघका महासचिव जीवसराज खड्का, जिल्ला सहकारी संघ दोलखाका अध्यक्ष देवी प्रसाद शर्मा र भीमेश्वर नगरपालिकाका वरिष्ठ सामाजिक विकास अधिकृत नारायण प्रसाद सेढाईले रक्तदाताहरुलाई ब्लड ब्याग हस्तान्तरण गरेर कार्यक्रमको शुरुवात गर्नुभएको सहकारीले जनाएको छ । कार्यक्रममा जिल्ला बचत संघ दोलखाका उपाध्यक्ष जगतप्रसाद सुवेदी, नेपाल रेडक्रस सोसाईटी दोलखा शाखाका सभापति ईश्वरीप्रसाद दहाल,संयोजक गोकर्ण प्रसाद पोखरेल,नेपाल पत्रकार महासंघका अध्यक्ष दीपशंकर चौलागाई,कालिञ्चोक एफ.एमका स्टेशन मेनेजर जीवन लामा, लगायत संस्थाका सञ्चालक समिति,लेखा सुपरीवेक्षण समिति तथा कर्मचारीको उपस्थितिमा सम्पन्न भएको जनाइएको छ ।
परोपकार महिला बचत तथा ऋण सहकारी संस्था महिलाहरुको मात्रै व्यवस्थापनमा सञ्चालन हुदै आएको सहकारी हो ।